Senatorlar Lázzat Rysbekova men Arman Óteǵulov Oral qalasyndaǵy Jelaev astyq ónimderi kombınatynyń jáne Báıterek aýdanyndaǵy kásiporyndar ujymdarymen kezdesýler ótkizdi. Bul kezdesýlerdiń basty maqsaty – atom elektr stansıasyn (AES) salý jáne onyń eldiń energetıkalyq ınfraqurylymyna yqpalyn talqylaý boldy.
Lázzat Rysbekova kásiporyn qyzmetkerlerimen kezdesý barysynda qazirgi tozǵan elektr jelileri problemasyn sheshýdiń mańyzdylyǵyn atap ótti. "AES ónerkásip kásiporyndary men halyqty jetkilikti energıamen qamtamasyz ete alady. Alaıda, eskirgen elektr jelisiniń ınfraqurylymy saldarynan energıanyń edáýir bóligi joǵalady. Sondyqtan atom stansıasyn salýmen qatar elektr jelisin de jańǵyrtý qajet," – dep atap ótti senator.
Sondaı-aq, elektr energıasynyń tarıfteriniń qoljetimdiligi de talqylaýdyń mańyzdy taqyryby boldy. Senator Arman Óteǵulov elektr energıasyn jetkilikti qamtamasyz etý basym mindet bolǵanymen, tarıftik saıasat halyqtyń ártúrli toptarynyń kiristerin jáne kásiporyndardyń ereksheligin eskerýi tıis ekenin basa aıtty.
Bul kezdesýler aımaqtyq óndiristik sektordy damytý jáne energetıkalyq qaýipsizdikti nyǵaıtý máselelerin tereń talqylaý úshin mańyzdy boldy. Kezdesýler barysynda AES-tiń tek energıa óndirý ǵana emes, sonymen qatar ınfraqurylymdy jańǵyrtýǵa da yqpal etetini aıtyldy, bul óz kezeginde eldiń ekonomıkalyq ósýine úles qosady.