Almaty qalasy Polısıa departamentinde senat depýtattary Marat Qojaev, Janna Asanova jáne Nurıa Nıazova esep berý kezdesýin ótkizdi, dep habarlaıdy aqshamnews.kz
Kezdesý barysynda departament basshylyǵy:
- Jedel basqarý ortalyǵyna engizilgen sıfrlyq sheshimder,
- «102» jelisi boıynsha qońyraýlarǵa qyzmet kórsetý sapasyn arttyrý,
- Qylmystardy ashýda mamandandyrylǵan baǵdarlamalyq modýlderdiń tıimdiligi týraly baıandady.
«Estýshi memleket» tujyrymdamasy aıasynda:
- Beınebaqylaý júıesin ornatý,
- «Soqyr» aımaqtardy joıý tapsyrmalaryn oryndaý barysy qaraldy.
Qazirgi tańda 1 477 beınekamera jedel-tergeý jáne ýchaskelik polısıa bólimshelerine qosylǵan. Patrúldik jasaqtardy basqarý kıiletin beınetirkegishter arqyly onlaın rejımde júzege asyrylady.
Syrtqy qyzmetter mobıldi planshettermen jabdyqtalyp, jedel sheshim qabyldaý múmkindikteri keńeıtildi. Jalpy 52 myńnan astam beınekamera qoǵamdyq qaýipsizdikti baqylaý úshin qosylǵan.
Bıyldan bastap bilim berý mekemelerin onlaın baqylaý júıesi iske qosyldy. Iývenaldy polısıa qyzmetkerleri mobıldi planshetterge qajetti baǵdarlamalarmen jabdyqtaldy.
Kezdesý nátıjesinde beınebaqylaý júıelerin jetildirý boıynsha usynystar men tapsyrmalar berildi.