Búgin Úkimette ótken baspasóz máslıhatynda Seısmologıa ınstıtýtyna qansha qarjy bólinetini belgili boldy
Ǵylym jáne joǵary bilim mınıstri Saıasat Nurbektiń aıtýynsha, qazir shamamen 4-5 mıllıard teńge aldyn ala kepilge qoıylyp jatyr. Mınıstr soma ǵylymı-tehnıkalyq komısıa otyrysynan keıin naqtylanatynyn atap ótti, dep habarlaıdy almaty-akshamy.kz.
"Ótken jyldan beri bizde jeke baǵdarlama bolǵan bolsa, bıyl biz tıisti qural-jabdyqtar men kadrlyq resýrstardy nyǵaıtýǵa úlken qarjylandyrý paketin bólip jatyrmyz", - dedi Nurbek.
Sondaı-aq, Tótenshe jaǵdaılar mınıstrligimen kelise otyryp, bul ınstıtýtty qoldaý úshin bólek qarjy qarastyrylady.
Almaty turǵyndary 2024 jyldyń 22-nen 23-ine qaraǵan túni qatty jerasty dúmpýlerin sezindi. Seısmologtar Almatyda jer silkinisi bes balǵa jetkenin, Shymkentte jer silkinisi eki balda sezilgenin habarlady. Jer asty terbelisin Almaty, Shyǵys Qazaqstan, Jambyl, Jetisý jáne Qaraǵandy oblystary men elorda turǵyndary da sezingen.