Qarashanyń 23-ne arnalǵan aýa raıy boljamy
Sınoptıkter 23 qarashaǵa arnalǵan aýa raıy boljamyn jarıalady, dep habarlaıdy Almaty-akshamy.kz
Qazaqstannyń basym bóligi áli de Atlantıkalyq sıklonnyń yqpalynda bolǵandyqtan respýblıkamyzdyń basym bóliginde qar jaýady. Kúndiz respýblıkanyń shyǵysynda qatty jaýyn-shashyn bolady. Respýblıkanyń basym bóliginde - kóktaıǵaq, kúshti jel, burqasyn, kóktaıǵaq, batysynda - tuman saqtalady. Tek eldiń ońtústiginde, ońtústik-shyǵysynda jaýyn-shashyn jaýmaıdy.
Shyǵys Qazaqstan oblysynda jeldiń kúshi - 15-20 m/s, oblystyń batysynda, shyǵysynda jel jyldamdyǵy 23-28 m/s jetedi, batysynda, soltústik jáne shyǵysynda burqasyn, kóktaıǵaq bolady. Qaraǵandy oblysynda jeldiń kúshi - 15-20 m/s, oblystyń batysy men soltústiginde jel ekpini 23-28 m/s deıin kúsheıedi. Batysynda, soltústigi men shyǵysynda - burqasyn, kóktaıǵaq, oblystyń ońtústiginde - tuman túsedi.
Soltústik Qazaqstan oblysynda jeldiń kúshi - 15-20 m/s, kúndiz oblystyń soltústiginde, shyǵys jáne ońtústik-shyǵysynda jel qarqyny 23-28 m/s jetedi, oblystyń soltústiginde, shyǵys jáne ońtústik-shyǵysynda burqasyn, kóktaıǵaq kútiledi.
Pavlodar oblysynda jeldiń kúshi - 15-20 m/s. Oblystyń batysy jáne ońtústiginde jel ekpini 23-28 m/s jetedi. Oblystyń batysy men ońtústiginde – jaıaý burqasyn, kóktaıǵaq bolady. Qostanaı oblysynda jeldiń kúshi - 15-20 m/s, oblystyń ońtústiginde ekpini 23-28 m/s shamasynda bolady. Oblystyń shyǵysynda jáne ońtústiginde - burqasyn, kóktaıǵaq, tuman kútiledi.
Aqmola oblysynda burqasyn, jeldiń kúshi - 15-20 m/s. Oblystyń soltústiginde, shyǵysynda jel ekpini 23-28 m/s deıin kúsheıedi. Aqtóbe oblysynyń soltústiginde burqasyn, kóktaıǵaq, túnde oblystyń shyǵysynda jeldiń qarqyny 15-20 m/s jetedi.
Jambyl oblysynyń soltústiginde jáne taýly aýdandarynda tuman, oblystyń ońtústik-batysta jáne taýly aýdandarda jeldiń jyldamdyǵy - 15-20 m/s. Túnde Qyzylorda oblysynyń soltústiginde jel qarqyny 15-20 m/s deıin kúsheıedi.
Atyraý oblysynyń batysynda, ortalyǵynda, Mańǵystaý oblysynyń soltústiginde tuman túsedi. Batys Qazaqstan oblysynyń soltústiginde, batysynda tuman, kóktaıǵaq bolady. Almaty oblysynyń Alakól aýdanynda jel ekpini 15-20 m/s jetedi.