Seıfýllın dańǵyly boıynsha ortasha jóndeýdiń bastalýy týraly aqparat
Seıfýllın dańǵyly boıymen Rysqulov dańǵylynan Almaty-1 temirjol vokzalyna deıin uzyndyǵy 5,6 km jol jabynyn ortasha jóndeý jumystary bastaldy, troýarlardyń jeke bólikteri kólik qozǵalysyn shektemeı jóndelýde.
Seıfýllın dańǵylynyń aldyńǵy ortasha jóndeýi 2010 jyly júrgizilgen. Almatynyń jol-klımattyq aımaǵyn eskere otyryp, Seıfýllın dańǵylyn jóndeý aralyǵy 5 jyldy quraıdy. Osyǵan baılanysty tıisti lısenzıasy bar jobalaý uıymynyń ókilderimen tekserý júrgizildi. Zertteý barysynda shuńqyrlardyń, jaryqtardyń, keneptiń shógýi túrindegi aqaýlar anyqtaldy, osy joldyń aǵymdaǵy jaǵdaıy týraly tehnıkalyq qorytyndy jasaldy. Tehnıkalyq qorytyndy negizinde Seıfýllın dańǵylyn ortasha jóndeý josparyna qosý týraly sheshim qabyldandy.
Aıta keterligi, bul jumystar joldardy ortasha jóndeý aıasynda josparlanǵan bolatyn. Jóndeýge baılanysty jol ýchaskeleriniń jabylýy týraly aqparat BAQ-ta jarıalanatyn bolady.
Qolaısyzdyqtar úshin keshirim suraımyz jáne baǵyttaryńyzdy aldyn ala belgilep alýdy ótinemiz.
Almatynyń mobıldilik basqarmasy