Bul týraly Óńirlik komýnıkasıalar qyzmetiniń brıfıńinde Almaty qalasy sport basqarmasy basshysynyń orynbasary Bekjan Onjan málimdedi.
Spıker jastardy salaýatty ómir saltyna tartý maqsatynda Almatynyń segiz aýdanynda 100 bos ýaqyt ortalyǵy qyzmet kórsetetindigin, onda 8 myńnan astam adamdy qamtıtyn tegin negizdegi 36 sport seksıasy men úıirme jumys isteıtinin aıtty, dep habarlaıdy Almaty-akshamy.kz.
«Jobanyń maqsaty – 6 jastan 15 jasqa deıingi balalar úshin buqaralyq qoljetimdi sportty damytý, olar keıinnen kásibı sportqa kóshýge múmkindik alady. Atalǵan baǵdarlamaǵa qatysýshylardyń 60-tan astam bolashaǵy bar balalary JSM-ge qabyldandy», - dedi Bekjan Onjan.
Qalamen barlyǵy sporttyń oıyn túrleri boıynsha toǵyz sport klýby qarjylandyrylady, olardyń basym bóligi Qazaqstan Respýblıkasynyń ulttyq quramalary úshin negiz bolyp tabylady. Olardyń ishinde: «Býrevestnık Almaty» voleıbol klýby, «Almaty» qyzdar voleıbol klýby, «Almaty» basketbol klýby, «Aısulý» áıelder hokeı klýby, «Almaty» hokeı klýby, «Azıa Sport» QQ regbı klýby, «Almaty» gandbol klýby, «Qaırat» FK, «Qaırat» fýtzal akademıasy.
Prezıdenttiń joldaýyn iske asyrý jónindegi Jalpyulttyq jospardy oryndaý maqsatynda kásibı sport klýbtaryn buqaralyq sportqa qaıta bóle otyryp, olardy kútip ustaýǵa arnalǵan qarjy shyǵystary qysqartyldy.
Sondaı-aq, Bekjan Onjan Almaty qalasy men Qazaqstan Respýblıkasynyń qurama komandalaryna sport rezervin daıyndaý týraly aıtyp berdi. 13 myńnan astam sportshy úshin 78 sport túri boıynsha daıyndyq júrip jatyr.
Respýblıkanyń ulttyq quramasyna 906 almatylyq sportshy kiredi, onyń ishinde: negizgi quram – 135 sportshy, jastar quramy – 375 sportshy, jasóspirimder quramy – 396 sportshy.
Sózin jalǵastyra otyryp, Bekjan Onjan sport qyzmetkerlerin áleýmettik qoldaý sharalary týraly habarlady.
«Prezıdenttiń muǵalimderdiń jalaqysyn 25%-ǵa arttyrý týraly tapsyrmasyn oryndaý aıasynda 2020 jyly respýblıkalyq búdjetten 257,9 mln teńge, 2021 jyly 50%-ǵa kóterý úshin 578,9 mln teńge bólindi. Sport salasynda 809 maman qosymsha aqy aldy», - dep qorytyndylady spıker.
Almaty qalasynyń Óńirlik komýnıkasıalar qyzmetiniń habarlamalary jáne materıaldarymen bólisý kezinde ÓKQ-ǵa silteme jasaý mindetti.