Almaty qalalyq máslıhatynyń depýtattary Uzynaǵash aýylyndaǵy «Arman dala» lagerine baryp, jaǵdaıymen tanysty.
Bul jaıynda depýtat Nurgúl Taý áleýmettik jelide jazdy, dep habarlaıdy Almaty-akshamy.kz QazAqparatqa silteme jasap.
«Jazǵy lagerde balanyń demalýyna jaǵdaı jasalmaǵan, óreskel buzýshylyqtar oryn alǵanyna kýá boldym. Lager burynǵy saýna ǵımaratynda ornalasqan. Qyzmet kórsetýshi - «BelRıchı» JSHS. Memlekettik satyp alý shartyna sáıkes qyzmet kórsetý quny - 107,8 mln. teńge. Jospar boıynsha 1150 bala demalyspen qamtylýy tıis. Memlekettik satyp alý prosedýrasy qalaı júrgizilgeni tóńireginde másele týyndaýyna baılanysty óz tarapymnan QR Bas prokýratýrasyna, Sybaılas jemqorlyqqa qarsy is-qımyl agenttigine, Qarjy mınıstrliginiń İshki memlekettik aýdıt komıtetine tekserý júrgizý jóninde saýal joldandy. Bul máseleni óz baqylaýyma aldym», -dep jazady depýtat.
Oqý-aǵartý mınıstrliginiń aqparaty boıynsha jaqyn arada balalar basqa demalys lagerlerine jiberiledi.