Elimizdiń basym bóliginde jel turyp, jaýyn jaýady
«Qazgıdromet» RMK-sy sáýirdiń 3-i kúngi kún raıy boljamyn jarıalady, dep habarlaıdy Almaty-akshamy.kz.
Elimizdiń basym aýmaǵyna áli de antısıklon jotasy áser etedi. Osyǵan baılanysty kún jaýyn-shashynsyz bolady. Tek elimizdiń ońtústiginde, kúndiz ońtústik-shyǵysynda frontaldy bólikterdiń ótýine oraı jańbyr jaýyp, ońtústiginde naızaǵaı oınap, qatty jańbyr jaýady.
Respýblıka boıynsha ońtústik–shyǵysta qatty jel, ońtústikte shańdy daýyl turady, batysta, ońtústik-shyǵysta tuman túsedi.
Túrkistan oblysynyń taýly aýdandarynda qatty jańbyr jaýýy yqtımal.
Jetisý oblysynda, túnde Jambyl oblysynda jel turyp, ekpini 30 m/s bolady, keı aımaqtardy odan da kúshti bolýy múmkin.
Túnde Almaty, Jambyl Jetisý oblystarynda 1-6 gradýs aıaz saqtalady.