Sebebi burynǵydaı suranys bolmaıdy.
Indýstrıa jáne ınfraqurylymdyq damý mınıstri Qaıyrbek Óskenbaevtyń aıtýynsha, zeınetaqy qorynyń aqshasy turǵyn úıge degen suranysty arttyrdy, dep habarlaıdy Almaty-akshamy.kz
«Krysha» portalynyń málimeti boıynsha, qazir jańa úıdiń baǵasy sharshy metri úshin 241 myń teńgeden bastalyp, 752 myń teńgege deıin barady. Al qaıtalama naryqta úıdiń baǵasy – 224-614 myń teńge. Nur-Sultanda bizdiń baǵytymyz boıynsha qurylys kompanıalary 230 myń surap otyr. Al komersıalyq turǵyn úıdiń baǵasy 521 teńge bolyp tur», - dedi Óskenbaev.
Mınıstrdiń aıtýynsha, «Nurly jer» ulttyq jobasy boıynsha salynatyn úılerdiń baǵasy kóteriledi. Negizgi maqsat – qurylystyń sapasyn arttyrý. Al komersıalyq naryqta úıdiń baǵasy tómendeýi múmkin. Sebebi 1 sáýirden keıin zeınetaqy jınaǵynyń bir bóligin paıdalaný kúrt azaıdy.
«Iá, zeınetaqy qorynyń aqshasy turǵyn úıge degen suranysty arttyrdy. Sodan baǵa da kóterile bastady. Bıyl 9 naýryz ben 2 sáýir aralyǵynda, shamamen 52 myń kelisimshart jasaldy. Bir jyl burynǵy kórsetkishten joǵary. Degenmen 1 sáýirden keıin baǵa qalpyna kele bastaıdy dep oılaımyn. Sebebi burynǵydaı suranys bolmaıdy», - dep atap ótti Óskenbaev.
Osy oraıda mınıstr turǵyn úıge degen suranystyń kóterilýine sebep bolatyn taǵy bir faktordy atady. Dollar baǵasy qubylyp turǵanda adamdar aqshasyn jyljymaıtyn múlikke salýǵa tyrysady.