Cınoptıkterdiń boljamy.
«Qazgıdromet» mamandary sáýir aıynda ońtústikte kún 35 gradýsqa deıin ystyq bolatynyn boljam otyr, dep habarlaıdy Almaty-akshamy.kz.
Sáýirde kúnniń uzaqtyǵy artyp, odan ári jylýdyń jınalýy júzege asady. Qazaqstannyń soltústiginde aýanyń ortasha táýliktik temperatýrasynyń 0° arqyly oń mánderge turaqty aýysýy baıqalady. Sáýir aıynda aýmaqtyń kóp bóliginde qar jamylǵysy buzylady.
Sáýir aıynyń basynda kóktem Qazaqstannyń soltústik aımaqtarynda da óz kúshine enedi: aıtarlyqtaı jyly bolady jáne jaýyn-shashynsyz aýa raıy kútiledi. Eldiń batysynda sıklonnyń áserimen Qara teńiz aýdandarynan ekpindi jel turady jáne jańbyr jaýady. Birinshi onkúndiktiń ortasynan bastap sıklon shyǵys baǵytta qozǵala otyryp, respýblıkanyń qalǵan aýmaǵynda da aýa raıynyń qubylmalyǵyna alyp keledi. Jaýyn-shashyn (jańbyr, qar) kóbinese soltústik óńirlerde, ońtústik óńirlerde jańbyr, naızaǵaı kútiledi. Elimizdiń basym bóliginde tuman, kóktaıǵaq bolady jáne jeldiń ekpini 15-20, jekelegen kúnderi 23-28 m/s-ke deıin kúsheıedi.
Sáýirdiń birinshi onkúndiginiń basynda aýa temperatýrasy joǵarylaıdy:
– respýblıkanyń batysynda túnde +1+9°S-tan +3+12°S-qa, kúndiz +7+15°S-tan +15+22°S-qa deıin;
– soltústiginde, soltústik-batysynda, shyǵysynda túnde -5+3°S-tan 0,+7°S-qa deıin, kúndiz +2+10°S-tan +5+13°S-qa deıin;
– ortalyǵynda túnde 0,-5°S-tan +2+7°S-qa deıin, kúndiz +6+11°S-tan +13+18°S-qa deıin.
Sáýirdiń birinshi onkúndiginiń ortasynda antısıklonnyń áserimen elimizdiń batysynda, soltústik-batysynda jáne soltústiginde aýa temperatýrasynyń azdap qysqa merzimdi tómendeýi kútilýde. Aýa temperatýrasy túnde -5+3°S-qa, kúndiz +3+10°S-qa deıin tómendeıdi.
Alaıda respýblıkanyń ońtústik jáne ońtústik-shyǵys óńirlerinde birinshi onkúndik ishinde túngi aýa temperatýrasynyń túnde +8+13°S-qa deıin joǵarylaýy, al kúndizgi aýa temperatýrasynyń +15+23°S-tan +20+28°S-qa deıin aýytqýy kútilýde.
Sáýirdiń ekinshi jáne úshinshi onkúndikterinde Qazaqstan aýmaǵyna Iran men Orta Azıa aýdandarynan jyly aýa massalarynyń jıi enýi júzege asady, olar temperatýranyń joǵary fonyn negizdeıdi: elimizdiń soltústik jartysynda kúndiz +15+23°S, ońtústiginde +28+35°S. Biraq buǵan qaramastan, negizinen batys aımaqtarda jáne eldiń soltústik jartysynda atmosferalyq fronttardyń ótýimen aýa raıynyń turaqsyz sıpaty boljanady. Jaýyn-shashyn (qarǵa aýysatyn jańbyr) boran, tuman, kóktaıǵaq bolýy múmkin, jel ekpini 28 m/s-ke deıin jetedi, ońtústik jartysynda jekelegen kúnderi jaýyn-shashyn kútiledi (negizinen jańbyr túrinde), taýly jáne taý bókterinde aýa temperatýrasy tómendegen kezde qar da bolýy múmkin. Naızaǵaı, burshaq, shańdy daýyl sıaqty qubylystar sáýir aıynda jıi kezdesedi.
Kóktemniń ortasynda aýa temperatýrasynyń aıtarlyqtaı tómendeýi bolatyn sýyq kúnder bolýy múmkin. Respýblıkanyń soltústik, ortalyq jáne shyǵys óńirlerinde sýyq aýa massalarynyń enýi kezinde termometr baǵandary túnde 0,-9°S-qa, kúndiz +3+8°S-qa deıin, eldiń ońtústik jáne batys óńirlerinde túnde -5+7°S-qa, kúndiz +10+15°S-qa deıin tómendeýi múmkin.
Eskertpe: bir aıǵa arnalǵan boljamdy konsýltatıvtik boljam retinde paıdalaný kerek, ol keıinnen sınoptıkalyq jaǵdaıdyń ózgerýine qaraı túzetiledi jáne onkúndikke arnalǵan aýa raıy boljamdarymen naqtylanady.