Jýyrda daladaǵy bazarlardyń barlyǵy jańartylady. Búgin Májilistegi Úkimet saǵatynda saýda jáne ıntegrasıa mınıstri Arman Shaqqalıev osylaı dedi, dep habarlaıdy almaty-akshamy.kz.
Jospar boıynsha 2025 jylǵa deıin olardyń barlyǵy saýda ortalyqtaryna kóshiriledi. Sebebi daladaǵy saýda órt qaýipsizdigi, sanıtarlyq talaptarǵa, qala qurylysynyń standarttaryna saı kelmeıdi. Búginde el boıynsha 722 ýnıversaldy bazar bar.
Onyń basym bóligi jabyq dúkenderge kóshirilgen. Aldaǵy eki jylda qalǵan 74-in jańartý josparlanyp otyr. Alaıda saýdany jaıly jerge kóshirý baǵamen kúresti qıyndatady, dep jazady qazaqstan.tv.
Halyq kóp keletin, tańdaý mol jerde jalǵa berý baǵasy qymbattaıdy. Saldarynan saýdagerler taýarynyń baǵasyn ósiredi.
Óndirýshi men dúkenniń arasynda júretin deldaldar da qymbatshylyqqa sebepker bolyp otyr.
"Tıimsiz deldaldardy joıý jáne saýda zańnamasynyń talaptaryn saqtaý jónindegi óńirlik komısıalardyń baqylaý qyzmeti quryldy. Óńirlik komısıalardyń jumysy baqylaý-fıskaldyq organdardy qosý jolymen kúsheıtildi. Aǵymdaǵy jyly 1,7 myńnan astam otyrys ótkizildi, myńnan astam tıimsiz deldaldar anyqtaldy, myńnan astam ákimshilik is qozǵaldy", -dedi QR Saýda jáne ıntegrasıa mınıstri Arman Shaqqalıev.