2025 jylǵy qańtar–sáýir aılary aralyǵynda QR Saýda jáne ıntegrasıa mınıstrliginiń Saýda jáne tutynýshylardyń quqyqtaryn qorǵaý komıtetiniń aýmaqtyq departamentteri azamattardyń quqyqtaryn jalpy somasy 690,5 mln teńgege qorǵady.
Bul — júıeli ári maqsatty jumystyń naqty nátıjesi. Bul kezeńde 122 tutynýshynyń múddesin qorǵaýǵa baǵyttalǵan 34 rezonanstyq is qaralyp, 461,9 mln teńge kóleminde ótemaqy qaıtaryldy.
Osy isterdiń qatarynda qaıtarylǵan soma 5 mln teńgeden asqan jaǵdaılar da bar. Almaty qalasynda páter satyp alǵan azamatqa zańmen kómek kórsetildi. Qabyrǵalardaǵy jaryqtar, jylý oqshaýlaýynyń nasharlyǵy jáne shekten tys shý deńgeıi anyqtalǵan soń, tutynýshynyń shaǵymy negizinde 25,9 mln teńge qaıtaryldy. Astana qalasynda premıým sanatyndaǵy avtokólik satyp alǵan azamat kóliktiń rýldik basqarý júıesindegi aqaýǵa tap bolǵan. Sot prosesine departamenttiń qatysýymen satýshydan 45,8 mln teńge óndirý týraly sheshim qabyldandy. Mundaı aqaýy bar avtokólikke qatysty isterdiń jalpy sany 21, al qaıtarylǵan qarajat kólemi 338,2 mln teńge. Sonymen qatar, Pavlodar oblysynda úsh tutynýshyǵa 53,8 mln teńge, Qyzylorda oblysynda tehnıkalyq talaptarǵa saı kelmegen oıyn jabdyqtaryn satyp alǵan tutynýshyǵa 6,4 mln teńge qaıtaryldy.
Birneshe adamnyń quqyqtary buzylǵan ujymdyq shaǵymdarǵa da erekshe nazarda. Pavlodar oblysynda tolyq aqparat berilmeı rásimdelgen kosmetıkalyq ónimderge arnalǵan nesıeler boıynsha 17 tutynýshyǵa 9,1 mln teńge qaıtaryldy. Túrkistan, Jambyl oblystarynda jáne Shymkent qalasynda taǵy 33 tutynýshy sapasyz massaj jabdyqtary, turmystyq tehnıka jáne oryndalmaǵan shıpajaı joldamalary úshin 7,5 mln teńge kóleminde qarajattaryn qaıtaryp aldy. Atap aıtqanda, Shymkent qalasynda bes tutynýshyǵa 1,3 mln teńge, Saryaǵash aýdanynda shıpajaı joldamalary úshin tólengen 1 mln teńge qaıtaryldy.
Keıbir daýlar sot arqyly sheshildi, óıtkeni quqyq buzýshylyqtar ondaǵan tutynýshyny qamtydy. Jetisý oblysynda smartfondy jetkizbegeni úshin departament sotqa júginip, nátıjesinde 17 tutynýshyǵa 7,2 mln teńge qaıtarý týraly sheshim shyqty. Onyń ishinde toǵyz tutynýshy aqshasyn sot sheshimine deıin qaıtaryp alǵan. Pavlodar oblysynda kórsetilmegen qyzmetke qatysty daý medıasıa tártibimen aıaqtalyp, 12 tutynýshyǵa 900 myń teńge qaıtaryldy.
Bul tórt aıdyń qorytyndysy aýmaqtyq departamentterdiń tutynýshylardyń quqyqtaryn qorǵaýdaǵy róliniń artyp kele jatqanyn kórsetedi. Quny joǵary taýarlarǵa qatysty jeke daýlardan bastap ujymdyq máselelerge deıin — árbir qorǵalǵan is elimizde tutynýshylardyń quqyqtaryn qorǵaý júıesiniń naqty ári tıimdi jumys istep otyrǵanyn dáleldeıdi.