Qazaqstandyq oqýshylar Qytaıda ótken chempıonatta marapat aldy, - dep habarlaıdy aqshamnews.kz tilshisi.
Jetisý oblysy bilim basqarmasyna qarasty daryndy balalarǵa arnalǵan Jylandy mamandandyrylǵan lıseı-ınternatynyń oqýshylary Shanhaı qalasynda mamyrda ótken halyqaralyq FIRST Tech Challenge chempıonatynda Connect Award marapatyna ıe boldy.
Bul – tek robot qurastyrý jarysy emes, bul — ǵylym, tehnologıa, ınjenerıa jáne matematıka (STEM) salasyndaǵy úzdik jetistikter men komandalyq rýhty baǵalaıtyn zıatkerlik doda.
Bizdiń Water7 komandasy STEM qaýymdastyǵymen tyǵyz baılanys ornatyp, óziniń damý jospary men áleýmettik jaýapkershiligi arqyly sarapshylardyń joǵary baǵasyna ıe boldy.
Bul jetistik – oqýshylarymyzdyń izdenisi men eńbeginiń, tálimgerlerdiń qoldaýy men baǵyt-baǵdarynyń, sondaı-aq bilim basqarmasynyń senimi men qoldaýynyń naqty nátıjesi.