Saılaý SOLTANQULOV, Kóktal aýyly aqsaqaldar alqasynyń tóraǵasy:
Jańa Qazaqstannan kúterim kóp
Qazaqstan óz damýynyń jańa kezeńine qadam basqaly tur. Táýelsizdiktiń tórtinshi onjyldyǵynda tepe-teńdikti kúsheıtý arqyly memlekettik basqarý júıesin jetildirý, eldi odan ári demokratıalandyrý arqyly ashyq ári ádiletti qoǵam ornatý, ekonomıkany damytý jáne ulttyq baılyqtyń ıgiligin barlyq azamattar paıdalanatyndaı jetilgen áleýmettik-ekonomıkalyq júıe qalyptastyrý, al eń bastysy, keler urpaqqa órkenıetti, irgesi berik, zamanaýı ári ozyq memleketti mura etip qaldyrý syndy aýqymdy mindetter tur. Mine, saıası júıede júrgiziletin sol reformalarǵa berik quqyqtyq negiz jasaý úshin Qazaqstan Respýblıkasynyń Konstıtýsıasynyń 33 babyna 56 ózgeris engizilgeli otyr. Konstıtýsıaǵa ózgerister men tolyqtyrýlar engizý jónindegi respýblıkalyq referendým – elimizdiń keleshegin aıqyndaıtyn mańyzdy shara. Onda qabyldanatyn sheshim árbir azamattyń ómirine, turmys sapasyna jáne ózi men urpaǵynyń keleshegine yqpal eteri sózsiz. Sondyqtan referendýmnan kúterim kóp.
Asel RÝZIBAIQYZY, stýdent:
İs júzinde oryndalsa eken
Referendým týraly sheshim óz ýaqytynda qabyldandy. Halyq qýana qoldaýda. Memlekettik Tilge basty basymdylyq, ulttyq qaýipsizdiktiń qorǵalýyna nazar aýdaryp, ulttyq órkenıettiń Jańa Qazaqstannyń el seniminen shyǵatyn zań bolady dep senim artamyz. Esterińizde bolsa, 1995 jyly qarasha aıynda Qazaqstanda «Respýblıkalyq referendým týraly» Konstıtýsıalyq zań qabyldanǵan bolatyn. Sodan beri elde konstıtýsıalyq túzetýlerge qatysty halyqtyq referendým uıymdastyrylǵan joq. Al referendým demokratıanyń mańyzdy ınstıtýty bolyp tabylatyny áý bastan-aq belgili. Sebebi, ondaı shara kezinde, memlekettik mańyzy bar máselelerge qatysty tikeleı buqara halyqtyń pikiri mindetti túrde eskeriledi. Jańa Qazaqstan zańdaryna da ózgerister jańasha tolyqtyrylýy kerek. Men osy ózgeristerdiń is júzinde oryndalǵanyn qalaımyn.
Aıgerim BEKJANOVA, kásipker:
ÁRBİR AZAMATTYŃ BORYSHY
Sońǵy jyldary qoǵam arasynda kúrmeýi sheshilmeı jatqan kúrdeli máseleler kóbeıip ketti. Sol sebepti, Prezıdent «Halyq únine qulaq asatyn memleket» tujyrymdamasyn alǵa qoıa otyryp, osyndaı mańyzdy sheshim qabyldap otyrǵany anyq.
Bul osy eldiń azamaty retinde bárimizdi qýantqany ras. Búgingi tańda elimiz úlken ózgerister aldynda tur. Sondyqtan 5 maýsym kúni ár qazaqstandyq óziniń jeke azamattyq boryshyn oryndaýǵa tıis. Sebebi, elimizdiń bolashaǵynyń damýy tikeleı osy referendýmǵa baılanysty bolyp otyr.
Prezıdent halyqqa barynsha erkindik berýdi maqsat etip otyr. Ózgerister saıası júıeniń kóptegen salasyn qamtıtyn bolady. Sondyqtan elimizdegi eleýli oqıǵaǵa beıjaı qaramaı belsendi qatysý – árbir azamattyń boryshy. Osy borysh oryndalǵannan keıin bir kúnde bolmasa da, biraz ýaqyt ótken soń ádiletti Qazaqstanda ómir súretinime senemin!
Erdáýlet ERASYLOV, mehanık:
JAŃASHYLDYQ ÁR KEZDE DE KEREK
Ata Zańymyzdyń bir emes, 33 babyna ózgeris engizilmek. Ol - Konstıtýsıanyń úshten bir bóligi. Osyndaı mańyzdy sheshimdi qabyldaý quzyreti tek Parlament qabyrǵasynda qalmaı, halyqtyń qatysa alýy memleketimiz úshin óte mártebeli qadam. Osy ýaqytqa deıin Memleket basshysy halyq pen bıliktiń birige jumys isteýiniń mańyzy týraly aıtyp keldi. Aldaǵy referendým - osy sózderdiń oryndalýynyń jarqyn kórinisi. Sonymen qatar, Konstıtýsıanyń 6-babynda halyq jer men tabıǵı resýrstardyń ıesi degen normany bekitý kózdelýde. Aıtylǵan zańnama qabyldanatyn bolsa, bul halqymyz úshin ıgi jańalyq bolmaq. Jańashyldyq ár kezde de kerek. Konstıtýsıaǵa da zaman talaptaryna saı ózgeris engizýimiz durys dep esepteımin. Memleket basshysy usynǵan túzetýler el ekonomıkasyn jáne basqa da salalaryn damytýǵa úles qosady degen úmit bar.