1 sáýirge deıin kólik salyǵyn tóleý kerek.
Memlekettik kirister komıtetiniń túsindirýinshe, 2023 jyl ishinde avtokólikti satyp alý nemese satý jaǵdaıynda jyldyq salyqtyń eseptelgen somasy 12-ge bólinedi jáne naqty ıelik etý aılarynyń sanyna kóbeıtiledi, dep habarlaıdy Almaty-akshamy.kz
Mysaly, bıyl 5 aıǵa kólik alǵan bolsańyz, salyq tólemi 5 aıǵa tólenedi. Óz kezeginde satyp alýshy tarap salyqty kólikti satyp alǵan aıdan bastap tóleıdi.
"Eger sizge 2023 jyldyń basyna deıin satylǵan kólik quraly úshin salyq somasy usynylsa, mundaı kóliktiń ýákiletti organda is júzinde esepten shyǵarylǵanyna kóz jetkizý kerek", - dep túsindirdi Memlekettik kirister komıteti.
Komıtet 2023 jylǵa arnalǵan kólik quraldary salyǵy somasy týraly aqparat kgd.gov.kz veb-portalyndaǵy "Jeke tulǵalar úshin aldaǵy tólemder" qyzmetinde, sondaı-aq "e-Salyq Azamat" jáne ekinshi deńgeıli mobıldi qosymshalarynda ornalastyrylǵanyn eske saldy. Tólem merzimi - 2024 jyldyń 1 sáýiri.
Bul rette salyq organdary esepti salyq kezeńinen keıingi jyldyń 1 mamyrynan keshiktirmeı İİM Ákimshilik polısıa komıtetiniń derekteri boıynsha salyqty esepteıdi.
2023 jylǵa arnalǵan salyqty esepteý kezinde kórsetilgen kezeńde qoldanysta bolǵan aılyq eseptik kórsetkish – 3 450 teńge somasynda paıdalanyldy.