Almaty qalasynyń Tótenshe jaǵdaılar departamenti men Q. Sátbaev atyndaǵy Qazaq ǵylymı-zertteý tehnıkalyq ýnıversıteti arasynda qol qaıylǵan yntymaqtastyq týraly memorandým sheńberinde, Sátbaev ýnıversıteti Tótenshe jaǵdaılar departamentine 7 balǵa deıingi kóldeneń jáne tik jer silkinisterin ımıtasıalaıtyn mobıldi jer silkinisi sımýlátoryn ázirledi.
Jer silkinisi trenajeri Tótenshe jaǵdaılar departamentine aqysyz negizde berildi, dep habarlaıdy Almaty-akshamy.kz Tótenshe jaǵdaılar mınıstrligine silteme jasap.
«Barshaǵa málim, Almaty qalasy seısmıkalyq belsendi aımaqta ornalasqan, sondyqtan qala halqy tótenshe jaǵdaılarǵa daıyn bolýy, ózin-ózi qutqarý jónindegi is-qımyldardy aldyn ala bilýi tıis.
Ázirlengen mobıldi trenajer jer terbelisin shynaıy túrde ornatyp halyqty jer silkinisi kezindegi úreısiz, naqty durys is-áreketterge jasaýdy úıretedi. Kóldeneń jáne tik jer terbelisinde kezinde qandaı is-qımelmen den qoıýǵa túsinýge bolady. Ǵımarat qısaıǵan kezde adam keńistiktegi baǵdaryn abdyrap qalyp, ne isterin bilmeı qalady. Qıyn jaǵdaıda ózińizge jáne jaqyndaryńyzǵa kómektesý úshin bul qubylysty ózińiz sezinýińiz qajet», - dep TJD bastyǵy Nurlan Atyǵaev óz pikirimen bólisti.
Sımýlátor Tótenshe jaǵdaılar departamentiniń qalalyq oqytý kýrstarynda jáne Almaty qalasy boıynsha kóshpeli sabaqtarda qoldanylatyn bolady, osylaısha halyqqa tótenshe jaǵdaıdaǵy minez-qulyq daǵdylaryn mashyqtaıdy.
Tótenshe jaǵdaılar departamentiniń ujymy Sátbaev ýnıversıtetine tótenshe jaǵdaılardyń aldyn alý men joıýǵa súbeli úles qosqan úshin alǵys bildiredi.