Oqıǵa Aqtaý qalasynda bolǵan.
Elimizdiń qorǵanys mınıstrligi sarbazdyń basynan oryndyqpen, soıylmen urǵan aqtaýlyq komandırdiń qyzmetinen qýylǵanyn málimdedi, dep habarlaıdy Almaty-akshamy.kz.
2023 jylǵy tamyzda Aqtaý garnızonyndaǵy áskerı bólimderdiń birinde vzvod komandıriniń merzimdi qyzmettegi áskerı qyzmetshilerge bıligin asyra paıdalaný deregi tirkeldi. Bul derek boıynsha tergeý is-sharalary júrgizilip, Aqtóbe garnızony áskerı sotynyń sheshimimen taraptardyń tatýlasýyna baılanysty is toqtatyldy.
«Áskerı qyzmet jáne áskerı qyzmetshilerdiń mártebesi týraly" zańynyń 26-baby 2-tarmaǵyna sáıkes sot úkimi zańdy kúshine engennen keıin áskerı qyzmetshi teris sebeptermen Qarýly kúshterdiń qatarynan bosatylady»,– dep málimdedi mınıstrlik.
Sondaı-aq mınıstrlik quqyqbuzýshylyqtardyń aldyn alý, áskerı ortadaǵy jarǵyǵa jat áreketterdi anyqtap, olardyń jolyn kesý máselesi Qarýly kúshter basshylyǵynyń erekshe baqylaýynda ekenin atap ótti. Mundaı áreketke jol bergenderge quqyqtyq jáne tártiptik shara qoldanylady.