Adam aǵzasyn vırýstan saqtandyrý úshin senimdi qorǵanys qajet.
Qazaqstandaǵy jáne álemdegi epıdemıologıalyq jaǵdaıdyń turaqty bolýyna qaramastan zertteýshiler revaksınalaýdan ótýdiń qajettiligi týraly aıtady, óıtkeni adam aǵzasyn vırýstan saqtandyrý úshin senimdi qorǵanys qajet, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
«Aldaǵy ýaqytta aýrýdyń ósýi popýlásıadaǵy omıkron shtamynyń BA.4/VA.5 sýbvarıanttarymen taralýymen baılanysty bolýy múmkin, olar aldyńǵy túrlerine qaraǵanda ımýnıtetti aınalyp ótý qasıetine ıe. Sonymen qatar aýrýdyń ózinen basqa, koronavırýstyń jańa nusqalary postkovıdti sındromnyń damýyna ákelýi múmkin, bul jyldar boıy jaǵymsyz belgilerdiń jalǵasýyn, tipti múgedek bolyp qalý qaýpin tóndiredi», - deıdi Sanıtarlyq-epıdemıologıalyq baqylaý komıtetiniń resmı ókili Erjan Baıtanaev.
Mamannyń aıtýynsha, revaksınalaý elimizde aýrýhanaǵa jatqyzýǵa qarsy tıimdi jáne aýrýdyń aýyr, asqynǵan jaǵdaılaryna qarsy 98,6% tıimdi. Sonymen qatar bul postkovıdti sındromnan qorǵaýǵa múmkindik beredi.
Qazaqstan Densaýlyq saqtaý mınıstrliginiń usynymdaryna sáıkes, sońǵy alynǵan ekpeden nemese aýyrǵannan keıin araǵa jarty jyl salyp, qaıta vaksınalaýǵa bolady.
Zertteýler kórsetkendeı, birneshe ret jasalǵan vaksınalaýdan keıin antıdene tıtrleri kúsheıe túsedi, ıaǵnı COVID-19-dan qorǵanys joǵary bolady.