Olar qatań shekteýlerdiń qajeti joq dep sendirdi.
Pfizer kompanıasynyń Bas dırektory Albert Býrla álemge koronavırýstyq pandemıanyń jańa tolqyny bolatyny týraly eskertkertti. Onyń aıtýynsha, qazirdiń ózinde ınfeksıa álemniń túrli aımaqtaryna tarala bastady, dep habarlaıdy Almaty-akshamy.kz COVID-19 taralýyna jol bermeý jónindegi VAK-ǵa silteme jasap.
«Býrla ázirlengen preparattar aýrýdyń qaýpin azaıtatyndyqtan, qazirgi ýaqytta qatań shekteýlerdiń qajeti joq dep sendirdi. Ol álemde ekpe alǵan adamdardyń úlesi óte joǵary ekenin, dárigerler aýrýdyń aýyr aǵymynyń yqtımaldyǵyn edáýir tómendetetin emdeý ádisterin ázirlep shyqqanyn atap ótti»,- delingen habarlamada.
Djons Hopkıns Amerıka ýnıversıtetiniń málimetteri boıynsha, álemde koronavırýstyq ınfeksıanyń tirkelgen jaǵdaılarynyń sany 548 mıllıon 828 myńǵa jetti.
Vırýstyń álemde taralýy bastalǵannan beri COVID-19 ınfeksıasyn juqtyrý saldarynan 6 mıllıon 338 519 adam qaıtys boldy.
20 mıllıonnan astam ınfeksıany juqtyrý jaǵdaıy bar elder qataryna AQSH, Úndistan, Brazılıa, Fransıa, Germanıa jáne Ulybrıtanıa kiredi.