Qazaqstanda júzege asyp jatqan jekeshelendirý saıasaty el ekonomıkasynyń damýymen qatar áleýmettik máselelerdiń túıinin tarqatýǵa sep bolady, dep habarlaıdy Almaty-akshamy.kz
Bul – otandyq ekonomıs Saparbaı Jobaevtyń pikiri. Sarapshynyń paıymynsha, aktıvterdi básekelestik ortaǵa berý SHOB-tyń damýyna jol ashady. Jeke kásipke ınvestısıa kóbirek tartylatyn bolady.
Óńdeý ónerkásibi damyp, sala ártaraptandyrylady. Esesine azamattardyń ál-aýqaty artyp, jańadan jumys oryndary qurylady.
«Memlekettiń ekonomıkadaǵy úlesin azaıtý onyń tıimdiligin arttyrady», – dep sanaıdy maman.
Bul rette jaqynda Memleket basshysynyń tıisti organdarǵa jekeshelendirýdi júıeli jáne ashyq júrgizip, sheshimderdiń aıqyn bolýyn qamtamasyz etýdi júktegen tapsyrmasyn tilge tıek etti.
«Munyń barlyǵy, saıyp kelgende, áleýmettiń ál-aýqatyn asyrýǵa jasalyp jatqan ıgi qadam», – deıdi ekonomıs.
«Búgingi bıliktiń, Prezıdentimizdiń qadam alysy durys. Sebebi «Samuryq-Qazynany» shektep, jekeshelendirý máselesin qozǵady. Dáýletti adamdardyń áleýmettik jaýapkershiligin talap etip jatyr. Osy máseleni biz aqyryndap júzege asyramyz», - ekonomıs Saparbaı Jobaev.