Álemniń kóptegen elderinde týberkýlez, ásirese, kóptegen dárige tózimdi týberkýlez qaýipti aýrý bolyp qala beredi. Eshkim aýrýdan, onyń ishinde ómir súrý standarttary joǵary jáne sapaly medısınasy bar gúldengen memleketterdiń turǵyndary da saqtandyrylmaǵan.
Bul týraly ÓKQ brıfıńi barysynda «Týberkýlez» komponenti boıynsha Jahandyq qor jobasyn iske asyrý tobynyń menedjeri Shahımýrat Ismaılov málimdedi, dep habarlaıdy almaty-akshamy.kz.
«Basty mindet – týberkýlezdiń úkim emes ekenin túsindirý», - deıdi sarapshy.
Onyń aıtýynsha, jedel dıagnostıkaǵa, emdeýge arnalǵan jańa sqemalar men preparattarǵa jańa tásilder sátti qoldanylýda, týberkýlezdiń aldyn alýdyń zamanaýı tıimdi tehnologıalaryna qoljetimdilik jaqsardy.
DDSU-nyń Eýropalyq óńirlik búrosy týberkýlerze qarsy kúreste qajetti kapıtal salymdaryn qamtamasyz etýge, DDSU-nyń sońǵy usynymdaryn oryndaýǵa, ınovasıalyq tásilderdi engizýge jáne azamattyq qoǵam uıymdarymen belsendi ózara is-qımyl jasaýǵa shaqyrady.
Qazaqstannyń ulttyq týberkýlezge qarsy baǵdarlamasy mynadaı mindetterdi iske asyrady:
- molekýla-genetıkalyq ádisterdi paıdalana otyryp, týberkýlezdi tez anyqtaý boıynsha sharalardy jandandyrý;
- týberkýlezdi, onyń ishinde dárige tózimdi týberkýlezdi emdeýdiń joǵary tıimdi jáne qaýipsiz qysqa rejımderin jalpylama engizý;
- táýekel toptaryna basa nazar aýdara otyryp, týberkýlez ınfeksıasyn profılaktıkalyq emdeýdiń zamanaýı tásilderin qamtamasyz etý.
Sh. Ismaılovtyń pikirinshe, týberkýlezdi zamanaýı emdeýde pasıentter búginde ıneksıasyz jáne aýrýhanaǵa jatqyzýdyń eń az qajettiligimen tanys ómir súrýge múmkindik alady.