Jeke stılıster Margaret Stoýn men Ebbı Iang sánnen ketken aıaq kıim úlgilerin atap berdi.
Tıisti materıal Business Insider basylymynyń saıtynda paıda boldy, dep habarlaıdy Almaty-akshamy.kz
Áskerı stıldegi báteńke, súıretpeler jáne súıir tumsyq (lodochka) týflıler de ózektiligin joıady.
Sýret: Shedevrum.ai
Onyń ornyna balama nusqalarǵa nazar aýdarǵan jón, mysaly, ótkir tumsyqty etik, art jaǵy joq úıge kıetin tápishke tárizdes múlı (bastapqyda múlı úıge arnalǵan aıaq kıim edi, biraq ony keıinnen kóshege kıip shyǵatyn bolǵan) jáne loferler.
Cýret: Sumochka.com
Sonymen qatar, mamandar tabany qalyń krosovkalar men toqyma sandaldardan bas tartýǵa shaqyrdy.
Cýret: global.wildberries.ru
«Garderobty klasıkalyq úlgidegi baletka men tabany juqa ári tómen kelgen krosovkalar úshin bosatyńyz», — dep keńes berdi Stoýn.
Sońynda stılıs basy tórtburyshtylaý bolyp keletin aıaq kıim úlgisine de toqtaldy.
Sýret: Milota.top
«Bottega brendiniń tanymaldylyǵyn arttyrǵan basy tórtburyshty bolyp kelgen aıaq kıimder 2021 jyldyń sımvolna aınaldy. Qazirgi ýaqytta olardy úshkir nemese basy dóńgelek kelgen modeldermen aýystyrǵan durys», — dep túsindirdi Iang.
Taǵy bir stılıs Anna Skorohodova 50 jastan asqan áıelderge mokasınder men bıik óksheli aıaq kıimder onsha jaraspaıtynyn, onyń ornyna bazalyq reńkterdegi loferler men súıir tumsyqtyǵa aýystyrý kerektigin aıtqan bolatyn.
Deıturǵanmen, stılıser usynǵan keńesterge qulaq asa otyryp, árkim óziniń talǵamy men jarasqanyna qaraı alǵan jón bolar, Bastysy, aıaq kıimniń jaılylyǵyna, bútin ekenine,sodan soń baryp sán jaǵyna qaraǵan durys shyǵar.
Áıtpese «aıaq kıimiń tar bolsa, dúnıeniń keńdiginen ne paıda?!»