Sanjar Táshkenbaı kezekti belesin baǵyndyrdy
Ulttyq Olımpıada komıtetiniń dereginshe, Oralda bokstan Qazaqstan chempıonatynyń fınaldyq jekpe-jekteri ótip jatyr. Jeńil salmaqtaǵy boksshylar arasynda úzdikter belgili, dep habarlaıdy Almaty-akshamy.kz
Erler arasynda 48 kelige deıingi salmaq dárejesinde fınal óte tartysty ótti.
Bokstan 2020 jylǵy Qazaqstan chempıony, Batys Qazaqstan oblysynyń ókili Danıal Sábıt fınalda elordalyq Sanjar Táshkenbaımen kezdesti. Jastar arasyndaǵy álem chempıony Sanjar Táshkenbaı Danıal Sábıtten 5:5 esebimen basym túsip, bokstan erler arasynda Qazaqstannyń chempıony atandy.
Aıta keterligi, Sanjar Táshkenbaı eresekter sapynda alǵash ret el birinshiliginde top jardy. Ol bıyl jastar arasynda Azıa jáne álem chempıonatyn birdeı baǵyndyrǵan.