Samokat qozǵalysyn retteý úshin qandaı usynystar qaralyp jatyr?
Bul týraly QR İİM Ákimshilik polısıa komıtetiniń erekshe tapsyrmalar jónindegi aǵa ınspektory Aqtoty Boranova aıtty, dep habarlaıdy Almaty-akshamy.kz QazAqparatqa silteme jasap.
«Samokattardy jalǵa beretin kıksherıngtik kompanıalar jalpy «josyqsyz klıentter tizimin» qurýdy usynyp otyr. Jol qozǵalysy erejelerin, jolaýshylar men júkterdi tasymaldaý erejelerin buzatyn, skýterdi durys emes jerde qaldyratyn paıdalanýshylarǵa barlyq kompanıa bir mezgilde qyzmet kórsetýden bas tartýy múmkin. Sondaı-aq, polısıa patrýli úshin elektr skýterlerin paıdalaný usynyldy», - dedi A. Boranova QR İİM aptalyq brıfıńinde.
Spıkerdiń aıtýynsha, skýter paıdalanýshylary úshin arnaıy mobıldi qosymsha arqyly habarlamalar jiberý qarastyrylyp jatyr. Bul rette skýter arnaıy bólingen oryndarǵa qoıylmasa, sapar aıaqtalmaıdy (aqy alý jalǵasady).
«Jaryqsyz ýchaskelerde, qala syrtyndaǵy trassalarda jáne kámeletke tolmaǵandarǵa elektr skýterlerin paıdalanýǵa tyıym salý usynyldy. Balalardyń elektr skýterlerin paıdalanýyn boldyrmaý úshin salmaq kategorıalary boıynsha tyıym salý engiziledi. Mysaly, 30 keliden asatyn qoldanýshylarǵa ǵana ruqsat beriledi», - dedi Aqtoty Boranova.
Aıta keteıik, 30 tamyzdan bastap jol erejesin buzǵan samokatshylarǵa aıyppul salynady. Quqyqbuzýshylyqtar anyqtalsa, olar ÁQBtK 593-baby (5 AEK aıyppul) nemese ÁQBtK 620-baby (eskertý nemese 3 AEK aıyppul) boıynsha jaýapqa tartylady.
«Shet elderdiń tájirıbesi kórsetkendeı, elektr skýterleriniń qarqyndy damýy men beı-bereket jumys isteýi olarǵa tolyq tyıym salýǵa ákelýi múmkin. Sondyqtan, jol qozǵalysynyń qaýipsizdigin qamtamasyz etý úshin skýterlerdi paıdalanýdy retteý máselesi óte mańyzdy jáne onyń sheshilýin jol qozǵalysynyń barlyq qatysýshylary kútedi. Biz óz tarapymyzdan kez kelgen usynystardy óńirlik jáne ortalyq deńgeılerde qarastyrýǵa daıynbyz», - dedi Aqtoty Boranova.