Almatyda byltyr 16,6 mlrd teńge kólik salyǵy eseptelgen.
Kólik salyǵyn tólemegenderdiń isi sotqa joldanady, dep habarlaıdy Almaty-akshamy.kz
Almaty qalasy boıynsha Memlekettik kirister departamenti óndiristik emes tólemder basqarmasynyń basshysy Qýanysh Túmenbaevtyń aıtýynsha, 2023 jylǵy 1 sáýirge deıin kólik salyǵyn tólemegenderdiń isi sotqa joldanady.
Onyń aıtýynsha, qalada 441 221 jeke tulǵanyń atyna tirkelgen 709 944 kólik bar.
Bıyl 1 sáýirge deıin kólik ıeleriniń bári mindetti túrde 2022 jylǵy salyqty tóleýge tıis. Tólem ýaqtyly jasalmaǵan jaǵdaıda, árbir keshiktirilgen kún úshin qaıta qarjylandyrýdyń resmı stavkasynyń 1,25 eselengen mólsherinde ósimpul alynady. Boryshkerge 30 jumys kúni ishinde bereshekti óteý týraly habarlama jiberiledi. Habarlandyrý merzimi ótkennen keıin bereshek somasy 1 AEK-ten (3 450 teńge) assa, boryshkerge 5 jumys kúni ishinde bereshekti óndirip alý týraly salyq buıryǵy jiberiledi, - dedi ol Óńirlik komýnıkasıalar qyzmetinde ótken brıfıńte.
Boryshkerlerge sot oryndaýshylary tarapynan odan ári májbúrleý sharalary qoldanylady: múlki men bank shottaryna tyıym salýdan elden shyǵýǵa deıin.
Salyqty e-Salyq Azamat mobıldi qosymshasy nemese www.kgd.gov.kz arqyly ári «Qazposhta» AQ fılıaldarynda nemese bankterdiń mobıldi qosymshalary arqyly da tóleýge bolady.
Salyqty qazaqstandyqtar kólik ıesiniń turǵylyqty jeri boıynsha tóleıdi.