2021 jyly múlikti jalǵa bergen nemese múlikti ótkizý kezinde qun ósiminen tabys tapqan jeke tulǵalar 2022 jyldyń 31 naýryzynan keshiktirmeı salyq deklarasıasyn usynýy kerek, dep habarlaıdy Almaty-akshamy.kz QR QM Memlekettik kirister komıtetine silteme jasap.
2022 jylǵy 31 naýryzda 2021 jylǵa «Jeke tabys salyǵy boıynsha deklarasıa» 240.00-nysanyn tapsyrý merzimi aıaqtalady.
Deklarasıany jeke tulǵalar tabystyń mynadaı túrlerin alǵan kezde tapsyrady:
- salyq agentteri bolyp tabylmaıtyn tulǵalarǵa múlikti jalǵa berýden túsetin kiris;
- Qazaqstan Respýblıkasynda múlikti (menshik quqyǵy týyndaǵan kúnnen bastap ótkizý kúnine deıin nysanaly maqsaty jeke turǵyn úı qurylysy, saıajaı qurylysy, jeke qosalqy sharýashylyqty júrgizý, garaj salý, sondaı-aq obektiler, mehanıkalyq kólik quraldary jáne (nemese) tirkemeler ornalaspaǵan baǵbandyq bolyp tabylatyn, keminde bir jyl menshik quqyǵyndaǵy páterler, úıler, saıajaı qurylystary, garajdar, jeke qosalqy sharýashylyq obektileri, jer ýchaskeleri jáne (nemese) jer úlesteri) ótkizý kezinde qun ósiminen túsetin kiris;
- Qazaqstan Respýblıkasynda ózge múlikti (jyljymaıtyn múlikti, jer ýchaskelerin jáne (nemese) jer úlesterin, ınvestısıalyq altyndy, baǵaly qaǵazdardy, týyndy qarjy quraldaryn, zańdy tulǵanyń jarǵylyq kapıtalyna qatysý úlesin) ótkizý kezinde qun ósiminen túsetin kiris;
- talap etý quqyǵyn, onyń ishinde turǵyn úı qurylysyna úlestik qatysý týraly shart boıynsha turǵyn úıdegi (ǵımarattaǵy) úlesti talap etý quqyǵyn basqaǵa berýden túsetin kiris;
- Qazaqstan Respýblıkasynan tys jerlerdegi kózderden alynǵan múlikti ótkizýden (múlikti, baǵaly qaǵazdardy, boryshtyq baǵaly qaǵazdardy, qatysý úlesin ótkizýden) túsken kiris;
- jarǵylyq kapıtalǵa salym retinde múlikti (aqshadan basqa) berý kezinde qun ósiminen túsetin kiris;
- shaǵyn bıznes sýbektileri úshin ne sharýa nemese fermer qojalyqtary úshin arnaýly salyq rejımin qoldanatyn dara kásipkerdiń ózge de aktıvterin ótkizý kezinde qun ósiminen túsetin kiris.
Budan basqa, deklarasıanyń 240.00-nysanyn óz tabystary boıynsha advokattar, notarıýstar, sot oryndaýshylary, medıatorlar, eńbekshi kóship kelýshiler-rezıdentter, úı qyzmetkerleri, beırezıdent-jeke tulǵalar, Salyq kodeksiniń 19-bólimine sáıkes, shet memleketterdiń dıplomatıalyq jáne olarǵa teńestirilgen ókildikterimen, konsýldyq mekemelerimen jasalǵan eńbek sharttary (kelisimsharttary) jáne (nemese) azamattyq-quqyqtyq sıpattaǵy sharttar boıynsha jumysker tabysyn alǵan Qazaqstan Respýblıkasynyń azamattary, Salyq kodeksiniń normalaryna sáıkes, salyq agentteri bolyp tabylmaıtyn qoǵamdyq uıymdar men qorlar, sondaı-aq 2021 jylǵy 31 jeltoqsandaǵy jaǵdaı boıynsha Qazaqstan Respýblıkasynan tys jerlerde tirkelgen jyljymaıtyn múlikke, baǵaly qaǵazdarǵa menshik quqyǵy, zańdy tulǵanyń jarǵylyq kapıtalyna qatysý úlesi bar jeke tulǵalar tapsyrýǵa mindetti.
Jyldyń qorytyndysymen jeke tulǵa 2022 jylǵy 10 sáýirden keshiktirmeı, kiristiń 10% mólsherinde derbes tóleýi qajet.
Deklarasıany jeke tulǵalar ornalasqan (turǵylyqty) jeri boıynsha salyq organyna qaǵaz túrinde jáne «e-Salyq Azamat» mobıldi qosymshasy nemese cabinet.salyk.kz web-portaldaǵy Salyq tóleýshiniń kabıneti arqyly elektrondy túrde tapsyra alady.