Saltanat Lesbaeva: vaksına almaǵan adamdardy ustap almaý kerek
Ashyq jumys isteıtin nysandarǵa «sary» nemese «qyzyl» mártebesi bar adamdar jiberilmeýi kerek.
Ashyq-ty engizgen nysandardyń qyzmetkerleri «sary» jáne «qyzyl» mártebesi bar adamdardy ózdiginen ustamaýy nemese toqtatpaýy kerek. Mundaı málimdemeni ÓKK alańynda onlaın-suhbat barysynda Almaty qalasy Kásipkerler palatasy dırektorynyń quqyqtyq máseleler jónindegi orynbasary Saltanat Lesbaeva jasady, dep habarlaıdy Almaty-akshamy.kz.
Onyń aıtýynsha, barlyq máseleler QR bas memlekettik sanıtarlyq dárigeriniń 3 maýsymdaǵy №26 qaýlysymen retteledi.
«Bas memlekettik sanıtarlyq dárigerdiń qaýlylarynda belgilengen sharttar men krıterııler ózgeretini túsinikti. Sonymen qatar, barlyq qajetti algorıtmder naqty jáne anyq jazylǵan», – dedi Kásipkerler palatasynyń ókili «Vechernıı Almaty» gazeti tilshisiniń suraqtaryna jaýap bere otyryp.
Sonymen qatar, Saltanat Lesbaeva tym qulshynys tanytpaýdy ótindi.
«Sary» jáne «qyzyl» mártebesi bar adamdardy ustap alýdyń nemese toqtatýdyń qajeti joq. Barlyq qajetti aqparatty sanıtarlyq dárigerlerdiń nazaryna jetkizý kerek. Olardyń tarapynan ákimshilik jaýapkershilik sharalary qabyldanady», - dedi Kásipkerler palatasynyń ókili.