Qaraǵandylyq ana alyp balany ómirge ákeldi.
Oblystyq klınıkalyq aýrýhananyń №1 perınataldyq ortalyǵynda salmaǵy 6200 gram sábı dúnıege keldi. Alyp bala ata-anasyna da, dárigerler úshin de tosyn syı boldy, dep habarlaıdy Almaty-akshamy.kz QazAqparatqa silteme jasap.
Áıel perzenthanaǵa tolǵaǵy qarqyndaı túskende jetkizilgen. Dárigerler sábıdiń salmaqty bolatynyn aldyn ala paıymdaǵan. Sebebi, otbasynda buǵan deıin týǵan balanyń salmaǵy 4600 gram bolatyn. Alaıda, jas bosanǵan ananyń úshinshi sábıi aǵa-apalarynan da iri – 6 200 gram.
«Bosaný asqynýsyz bolǵan joq, biraq brıgada shuǵyl jumys istedi. Nátıjesinde, ana men bala úshin barlyǵy sátti aıaqtaldy, dárigerler ekeýiniń de jaǵdaıyn qanaǵattanarlyq dep baǵalaıdy», - dep málimdedi oblystyq klınıkalyq aýrýhana basshylyǵy.
Aıta ketsek, jyl basynan bastap №1 perınataldyq ortalyqta salmaǵy 4 keliden asqan 174 náreste, sonymen qatar 5 kg bolǵan 9 alyp sábı dúnıege keldi.
Dárigerler barlyq júkti áıelderge óziniń jáne balanyń salmaǵyn baqylap, aıtylǵan usynystardy oryndaý kerektigin, qajet bolǵan jaǵdaıda dıeta ustaý kerektigin eskertedi. Óıtkeni, aýyr salmaqty sábıdi bosaný – náreste men ana úshin qosymsha qaýip.