Tutynýshylarǵa zamanaýı qyzmet kórsetý úshin -sálemdemelerdi jóneltý men merekelik syılyqtardy, hat-habarlardy jetkizýdi ushaq arqyly da júzege asyrýǵa bolady.
Air Astana «Esikten – esikke deıin» MyMAIL poshta jetkizýdiń jańa qyzmetin iske qosyp otyr. Qyzmettiń bul túri qazirgi ýaqytta pılottyq rejımde Almaty men Astana qalalary arasynda júzege aspaq. Jedel poshtany jetkizý Air Astana kompanıalar tobynyń tikeleı reısterimen qoljetimdi.
Tutynýshylar jetkizý týraly ótinishti https://mymail.airastana.com/ saıtynda sálemdemeniń túri men salmaǵy, sondaı-aq jóneltýshi men alýshynyń mekenjaıy kórsetilgen onlaın-rejıminde jasaýǵa bolady. Qyzmettiń quny jóneltý jáne kelip jetý áýejaılarynan mekenjaılardyń qashyqtyǵyna baılanysty esepteledi. Pılottyq jobada tapsyrys nómiri boıynsha sálemdemeni qadaǵalaý fýnksıasy da qarastyrylǵan.
Jetkizýge qabyldanatyn zattar:
- Salmaǵy 5 kg-ǵa deıingi jazbasha hat-habar;
- Salmaǵy 5 kg-ǵa deıingi jáne 35h45h15sm-den aspaıtyn sálemdemeler;
- Qujattardyń túpnusqasy (sonyń ishinde tólqujat, júrgizýshi kýáligi jáne t.b.).
Aıta ketken jón, áýejaıda qaýipti júk pen jóneltýge tyıym salynǵan zattardyń bar-joǵyn vızýaldy tekserý úshin jóneltilimder jabylmaǵan túrde qabyldanady. Jóneltýge tyıym salynǵan zattar tizimi mymail.airastana.com saıtynda jarıalanǵan. Tutynýshylar qalaýy boıynsha kelip jetý áýejaıynan ǵana jetkizýdi rásimdeı alady. Anyqtama úshin myna telefondarǵa habarlasýǵa bolady: +7 (727) 270-31-40, +7 (727) 270-30-53.