Qazaqstandyq boksshy Sáken Bıbosynov Parıj Olımpıadasyndaǵy alǵashqy jekpe-jeginde jeńiske jetti.
51 keli salmaqta baq synaǵan Bıbosynov birinshi kezdesýde 2024 jylǵy Eýropa chempıony Samet Gýmýshpen (Túrkıa) kezdesti, dep habarlaıdy aqshamnews.kz Ulttyq olımpıada komıtetine silteme jasap.
Bıbosynov alǵashqy raýndty 4:1 esebimen óz paıdasyna jazdy. Ekinshi raýndta ol basymdyqty tolyq qolǵa alyp, 5:0 esebimen jeńdi.
Osylaısha, kezdesý sońyna deıin basymdyqty ustap, jeńiske jetti.
Bıbosynovtyń shırek fınaldaǵy qarsylasy aldaǵy ýaqytta anyqtalady.