Saıran kóliniń bógetterine kópfaktorly zertteý júrgizildi.
Almaty qalasynyń ákimi Erbolat Dosaev Áýezov aýdany turǵyndarmen kezdesý barysynda Saıran kólin abattandyrý men túıtkildi máselelerdi sheshýge jeke-jeke toqtaldy, dep habarlaıdy Almaty-akshamy.kz.
Ákimniń aıtýynsha, abattandyrý jumystary kezdinde kóldiń túbin tazartý jáne jaǵalaý aımaǵyn retke keltirý qarastyrylǵanyn atap ótti.
«Búgingi tańda Saıran kóliniń bógetterine kópfaktorly zertteý júrgizildi. Bıyl shilde aıynda jobalyq-saraptamalyq jumysqa qatysty memlekettik saraptamanyń qorytyndysyn alamyz. Jaǵalaý aımaǵyn retke keltirý boıynsha jobalyq-smetalyq qujattamany ázirleý jáne memlekettik saraptamadan ótý máselesi qyrkúıek aıynda aıaqtalady dep oılaımyn», - dedi Erbolat Dosaev.
Megapolıs basshysy III toqsanda Saıran kóliniń túbin tazartý jáne abattandyrý úshin qurylys-montaj jumysyna qarjy bólý máselesi kóteriledi dep atap ótti.