Jaıly qalalyq ortany damytý sheńberinde "Aqsaı-2" shaǵynaýdanyndaǵy abattandyrylǵan skverdiń úlgisi boıynsha "Aqsaı-4" shaǵynaýdanyndaǵy skverdi jóndeýdi josparlanyp otyr. Bul týraly aýdan turǵyndarymen kezdesýde qala ákimi Erbolat Dosaev málimdedi, - dep habarlaıdy almaty-akshamy.kz
«Taýgúl» shaǵynaýdanynda demalysty tıimdi ótkizetin oryndar bolmaǵandyqtan, Shalov býlvarynda kólik qozǵalysyn shektep, zamanaýı jaıaý júrginshiler aımaǵyn uıymdastyrý úshin jobalaý-smetalyq qujattama ázirlendi. Jumysty shilde aıynda bastalyp, jyl sońyna deıin aıaqtaý josparlanyp otyr.
Aqpan aıynan «Saıran» kóliniń mehanıkalyq tazartý jumystary júrip jatyr. Jumystar mamyr aıynyń sońyna deıin aıaqtalýy tıis. Kóldiń túbin tazalaǵannan keıin aýmaǵyn rekonstrýksıalap, abattandyrý josparlanýda. Qurylys jumystary tamyz aıynda bastalyp, 2024 jyldyń III toqsanynda aıaqtalady.