Aǵymdaǵy jyldyń qyrkúıek–jeltoqsan aılary aralyǵynda Almaty qalasy boıynsha Ekonomıkalyq tergep-tekserý departamenti men ál-Farabı atyndaǵy Qazaq ulttyq ýnıversıtetiniń zań fakúlteti birlesip zań fakúltetiniń stýdentterine arnalǵan «Ekonomıkalyq qylmystardy tergeý» taqyrybynda mıkrobiliktilik kýrstaryn uıymdastyrdy.
Kýrstardyń baǵdarlamasy tájirıbege baǵyttalǵan formatta ótti. Atap aıtqanda, Almaty qalasy boıynsha Ekonomıkalyq tergeý departamentiniń bazasynda praktıkalyq sabaqtar ótkizilip, qylmystyq isterdiń naqty keısteri taldandy, tergeý áreketteriniń sımýlátorlary qoldanyldy, sondaı-aq ekonomıkalyq jáne qarjylyq quqyq buzýshylyqtardy anyqtaý men tergeýdiń zamanaýı ádisteri oqytyldy.
Oqý qorytyndysy boıynsha kýrstardy sátti aıaqtaǵan stýdentter mıkrobiliktilik baǵdarlamasyn ótkeni týraly sertıfıkattarǵa ıe boldy. Alynǵan teorıalyq bilim men praktıkalyq daǵdylar túlekterdiń kásibı damýyna berik negiz bolyp, aldaǵy ýaqytta qarjylyq monıtorıń organdarynda qyzmet ótkerýine múmkindik beredi.
Mundaı kýrstardy uıymdastyrý bilim berý uıymdary men quqyq qorǵaý organdary arasyndaǵy ózara yntymaqtastyqty nyǵaıtýǵa, sondaı-aq ekonomıkalyq qaýipsizdik salasyndaǵy bolashaq mamandardyń praktıkalyq daıarlyq deńgeıin arttyrýǵa yqpal etedi.