Almaty qalasynyń aýmaqtyq saılaý komısıasynyń tóraǵasy Aıgúl Qalyqovanyń búletendi saılaý ýchaskesinen alyp ketken Almaty turǵynynyń beınejazbasyna qatysty túsiniktemesi:
«Qazaqstan Respýblıkasyndaǵy saılaý týraly» Konstıtýsıalyq zańnyń 3-babynyń 3-tarmaǵyna sáıkes, respýblıka azamattarynyń saılaýǵa qatysýy erikti, eshkimniń bireýdi saılaýǵa qatysýǵa nemese qatyspaýǵa májbúrleýge, sonymen qatar, onyń óziniń erkin bildirýin shekteýine quqyǵy joq. Bul beınejazbadan saılaýshynyń odan ári qandaı áreket jasaǵany belgisiz. Bálkim, ol daýys bermeı, búletendi ózimen birge alyp ketken shyǵar. Munda eshqandaı zań buzýshylyq joq. Saılaýshy daýys berýge de, bermeýge de quqyly».