Zýlfıa Hýseınova, Túrik etnomádenı ortalyǵy Analar keńesiniń tóraǵasy:
– Elimiz egemendigin alǵan kezden bastap memleketti basqarýda halyqtyń aralasýy mańyzdy ekenin Qazaqstan talaı márte kórsetti. Ádiletti, mádenıetti túrde saılaýdyń ótýi bul sózimizge dálel bola alady.
Bul joly kandıdattar óte kóp, biraq olardy bir múdde biriktiredi. Olar – eldegi turaqtylyqty qalaıtyn qarapaıym halyqtyń ókilderi. Bul jolǵy saılaýdyń ereksheligi de osy, bolashaq depýtattardyń bári qarapaıym halyq arasynan shyqqan azamattar. Elimizdiń bolashaǵy úshin daýys berý, tańdaý jasaý ár azamattyń boryshy dep sanaımyn. Qazaqstan Respýblıkasynyń azamaty retinde saılaýǵa qatysý men úshin úlken mártebe. Búgin, mine, Naýryzbaı aýdanyndaǵy № 516 saılaý ýchaskesine kelip daýys berdim. Daýys berýge kelip jatqan halyqtyń qarasy kóp eken, belsendi azamattardy kórip, kóńilim kóterilip qaldy.