Almatyda I.Esenberlın atyndaǵy №25 mektepke ornalasqan №91 saılaý ýchaskesine kelýshiler qatary qalyń. Aýlada oınap jatqan kóńildi mýzykanyń ózi kelýshilerge erekshe kóńil-kúı syılap tur,dep habarlaıdy Almaty-akshamy.kz
№91 saılaý ýchaskesiniń tóraıymy Ǵazıza Amanbaıdyń aıtýynsha, osy aýmaqta turyp jatqan elimizge belgili tulǵalar Amantaı qajy Asylbek, Saǵynaı Abdýllın, Bahtıar Taılaqbaev, Aıjan Nurmaǵanbetova belsendidik tanytyp, óz tańdaýlaryn jasasa, jastar jaǵy áli de kelip jatqan kórinedi.
– Bizdiń aýmaq asa úlken emes, saılaýǵa daýys berýshiler sany 1897 adam. Eń qart turǵynymyz - Uly Otan soǵysynyń ardageri İzgilik Dabaev júz jasta. Ol kisiniń júrip-turýy qıyn bolǵandyqtan, komısıa músheleri saılaý jáshigin alyp, úıine bardy. Taǵy bir aıta keterligi, saılaýǵa kelýshilerdiń deni otbasymen kelip jatyr. Múmkindigi shekteleýli jandardyń da óz tańdaýyn jasaýyna tolyq jaǵdaı jasalǵan. Júrýge arnalǵan arnaıy jolaq, lıft bar. Saılaý ýchaskesinde eshqandaı quqyq buzýshylyq oryn alǵan joq.
Bul kúni daýys berýshiler qatarynda Rınat pen Áıgerim Shaıahmetovterdiń de otbasy boldy. Olar saılaýǵa úsh jarym jastaǵy qyzy Aırı men alty aılyq uldary Álimdi ala kelipti, - deıdi saılaý ýchaskesiniń tóraıymy Ǵazıza Amanbaı.