«Aýyl» HDPP
Ortalyq saılaý komısıasy «Aýyl» halyqtyq-demokratıalyq patrıottyq partıasynan QR prezıdenttigine usynylǵan úmitker Jıgýlı Daırabaevtyń talapqa sáıkestigi týraly qaýly qabyldady, dep habarlaıdy Almaty-akshamy.kz.
J.Daırabaevtyń sáıkestigi týraly OSK múshesi Asylbek Smaǵulov baıandama jasaǵan.
«Quzyretti memlekettik organdardan kelgen málimetterge saı azamat Jıgýlı Moldaqalyquly Daırabaevqa qatysty Qazaqstan Respýblıkasy prezıdenttigine kandıdat retinde tirkelýge kedergiler joq ekeni anyqtaldy.
Máselen, QR Bas prokýratýrasynyń quqyqtyq statısıka jáne arnaıy esepke alý jónindegi komıtetiniń málimetine saı Jıgýlı Moldaqalyquly Daırabaev Qazaqstan Respýblıkasynyń Prezıdenttigine kandıdattarǵa qoıylatyn Konstıtýsıalyq jáne «QR Saılaý týraly» Konstıtýsıalyq zańy talaptaryna sáıkes keledi.
İshki ister mınıstrligi usynǵan málimetke saı, Jıgýlı Moldaqalyquly Daırabaev týmysynan Qazaqstan Respýblıkasynyń azamaty bolyp tabylady, Qazaqstanda sońǵy 67 jyl boıy turady», - dedi Asylbek Smaǵulov.
Sondaı-aq ol lıngvısıka komısıasy keshe atalǵan úmitkerdiń memlekettik tildi erkin meńgergeni týraly qorytyndy shyǵarǵanyn eske saldy.
«QR Memlekettik qyzmet isteri agenttigi usynǵan málimetke saı, J.Daırabaevtyń memlekettik qyzmettegi jáne saılanbaly memlekettik laýazymdardaǵy jumys tájirıbesi – 7 jyl.
QR Ádilet mınıstrligi usynǵan málimetke saı, QR prezıdenttigine kandıdat usynǵan «Aýyl» Halyqtyq-demokratıalyq patrıottyq partıasy» QB Ádilet mınıstrliginde tirkelgeni týraly qujaty bar», - dedi OSK múshesi.
Osyǵan baılanysty Ortalyq saılaý komısıasy qaýly qabyldady:
1. Qazaqstan Respýblıkasynyń Prezıdenttigine kandıdat Jıgýlı Moldaqalyquly Daırabaev Qazaqstan Respýblıkasynyń Konstıtýsıasynda jáne «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstıtýsıalyq zańynda oǵan qoıylatyn talaptarǵa sáıkes ekeni anyqtalsyn.
2. Qazaqstan Respýblıkasynyń Prezıdenttigine kandıdatty qoldaıtyn qoldardy jınaý úshin qol qoıý paraqtary qajetti mólsherde berilsin.
Qol jınaýdy kandıdattyń senim bildirilgen adamdary júzege asyrady. Senim bildirilgen adamdardy tirkeýdi aýmaqtyq saılaý komısıalary ortsaılaýkomnyń 2011 jylǵy 21 qarashadaǵy № 62/108 qaýlysymen bekitilgen Nusqaýlyq negizinde júzege asyratyn bolady.
Keshe Ortalyq saılaý komısıasy halyq koalısıasy usynǵan Qasym-Jomart Toqaev pen «Amanat» Qazaqstan kásipodaqtar dostastyǵy» respýblıkalyq birlestigi usynǵan Meıram Qajykenniń QR prezıdenttigine kandıdat retinde sáıkestigin belgileý týraly qaýly qabyldaǵan bolatyn.
Sondaı-aq keshe «Kásibı áleýmettik jumyskerler Ulttyq alánsy» respýblıkalyq qoǵamdyq birlestiginen prezıdenttikke usynylǵan Qaraqat Ábden OSK-ǵa qujattaryn tapsyrdy.
Al «Aýyl» partıasynan prezıdenttikke úmitker Jıgýlı Daırabaev lıngvısıka emtıhanynan ótti.