Almatydaǵy saılaý ýchaskelerine tańerteńnen bastap túrli kásipterdiń ókilderi daýys berýde, dep habarlaıdy Almaty-akshamy.kz.
Dárigerler úshin erte turý - ádettegi nárse. Densaýlyq saqtaý úzdigi, "Altyn Dáriger" tósbelgisiniń ıegeri, joǵary sanatty dáriger-terapevt Shahızat Sarjanova únemi jeke pikirin bildirip keledi.
"Elimizde, atap aıtqanda, Almatyda áleýmettik damý, medısına salasynda úlken jobalar kózdelgen. Elimizde jańa zamanaýı klınıkalardyń salý, medısına qyzmetkerleriniń biliktiligin arttyrý, pasıentterge joǵary bilikti kómek berý bárimizge mańyzdy. Bul josparlardy júzege asyrý úshin reformalardy qoldaý, daýys berý jáne óz tańdaýyńyzdy jasaý qajet", – dedi belgili dáriger.
Alǵashqylardyń biri bolyp daýys bergen Shahızat Sarjanova Naýryz qarsańynda daýys berýdiń sımvoldyq máni zor ekenin atap ótti: saılaý, túrkilerdiń kóktemgi merekesi sıaqty bul saılaý da jańarý men jańǵyrýdy beıneleıdi.