Kóptiń kóńilindegi áýelgi másele – túrli saladaǵy reformanyń tıisinshe nátıje berýi
«Aldaǵy prezıdent saılaýy – eń áýeli el bolashaǵyna úmit artatyndar úshin úlken múmkindik». Bul – qazaq óneriniń qaıratkerleriniń pikiri, dep habarlaıdy Almaty-akshamy.kz Almaty.tv-ge silteme jasap.
Al kóptiń kóńilindegi áýelgi másele – túrli saladaǵy reformanyń tıisinshe nátıje berýi. Sondyqtan saıası qadamdardyń jasalýy eldiń ár azamatyna tikeleı baılanysty.
«Úlken reformalar jasalyp jatyr. Osynyń barlyǵy ary qaraı óz júıesin taýyp, jalǵassa, eń basty nárse – sol. Saılaýdan keıingi meniń kútetinim, halyqtyń kútetini, men sıaqty qazaqtyń azamattarynyń kútetini – sol», – dedi akter, QR Eńbek sińirgen qaıratkeri Dýlyǵa Aqmolda.
«Bul saıası naýqanda tys qalýǵa bolmaıdy»degen óner qaıratkeri eldegi ózgeristiń qaı-qaısysy bolmasyn, azamattardyń óz qolynda degen pikirde. Óıtkeni Otan – otbasynan bastalady.
«Bul – saılaý bárimiz úshin óte mańyzdy tarıhı jaǵdaı. Bárimiz jańa Qazaqstanǵa bet buryp jatyrmyz. Ol bizdiń balalarymyzdyń bolashaǵy, bizdiń bolashaǵymyz, tipten bizdiń elimizdiń bolashaǵy. Sondyqtan, osy saılaýǵa bárimiz atsalysyp, jumylyp, belsendi qatysý kerekpiz dep oılaımyn», – dedi ánshi, QR Eńbek sińirgen qaıratkeri Tolqyn Zabırova.