Kezdesý barysynda problemalyq máseleler talqylandy.
2023 jylǵy 26 mamyrda Almaty qalasyna jumys sapary barysynda Qazaqstan Respýblıkasynyń Ǵylym jáne joǵary bilim mınıstri Saıasat Nurbek 980 oryndyq Qazaqstan-Brıtan tehnıkalyq ýnıversıtetiniń stýdenttik jataqhanasynyń qurylys barysymen tanysty, dep habarlaıdy Almaty-akshamy.kz
Joba boıynsha bul jaıly jıhazdalǵan bólmeleri bar jańa býyn jataqhanasy, onda ómir súrýge, oqýǵa jáne demalýǵa barlyq jaǵdaı jasalatyn bolady. 1, 2, 3 jáne 4 oryndyq bólmeler men oqý keńistikteri jıhazdalǵan jáne ınternetpen (wi-fi) qamtamasyz etilgen.
Sonymen qatar, mınıstr stýdenttik jataqhanalar salý jónindegi Jobalyq keńsege bardy, kezdesý barysynda mınıstrge 2023 jylǵy 1 qyrkúıekke deıin 1492 tósek-orynǵa arnalǵan 5 nysandy qaıta jańartý jáne 2023 jyldyń sońyna deıin Almaty qalasynda 450 oryndyq 2 nysandy qaıta jańartý josparlary aıtyldy. Sondaı-aq, 2023 jyldyń sońyna deıin 1780 tósek-orynǵa arnalǵan 3 jataqhananyń qurylysyn aıaqtaý josparlanýda.
Kezdesý barysynda problemalyq máseleler talqylandy. Mınıstr stýdentterdi jataqhanalarmen qamtamasyz etý Memleket basshysynyń erekshe baqylaýynda ekenin atap ótip, Jobalyq keńsege stýdenttik jataqhanalar salý boıynsha ınvestorlarmen kelissózderdi jedeldetýdi tapsyrdy.
Aıta keteıik, buǵan deıin mınıstrdiń qatysýymen Semeı jáne Aqtaý qalalarynda barlyq zamanaýı standarttarǵa saı jańa stýdenttik jataqhanalar ashylǵan bolatyn. Bul 400 oryndyq Alikhan Bokeikhan University jáne 500 oryndyq Yessenov University jataqhanalary.