Mundaı aqparat «Arhıv – 2025» baǵdarlamasy aıasynda belgili boldy.
Ótken jyly baǵdarlamamen 10 elge baryp-qaıtqan otandyq ǵalymdar osyndaı derekter keltirdi, dep habarlaıdy Almaty-akshamy.kz.
24.kz aqparaty boıynsha, ekspedısıa barysynda jınalǵan qujattar Elordada ótken kórmede tanystyryldy. Tarıhshylar otyzynshy jyldary Qytaıǵa 18-45 myńnyń arasynda adam kóshkenin aıtady. Alaıda qanshasy ary asqany belgisiz edi. Ǵalymdarda Tıbet, Gımalaıdy basyp ótken qaraly kóshtiń tolyq tizimi bar. Olardyń 2 myńǵa jýyq qoıy, 500 shamasynda sıyry men jylqysy bolǵan. Keıin Pákistan, Aýǵanstan arqyly Túrkıaǵa jetken. Ashtyqtan, aýrýdan, ystyq-sýyq pen qaraqshylyqtan basym bóligi kóz jumyp, nebary 1000-nan astam janǵa Anadolydan dám buıyrdy. Qazir qujattardy zertteý jumystary júrip jatyr. Ǵalymdar bul aýqymdy istiń tek basy ǵana ekenin aıtady.
«Al endi bizdiń oıymyz - baryp kelgen issapardy jalǵastyryp, taǵy da ári qaraı zertteý kerek. Sebebi Úndistanda kóp dúnıe bar. Biz Nú-Delıde ǵana boldyq. Bylaı qarasańyz, olar Bhopal, Haıdarabad degen qalalarynda ómir súrgen. Sol jerge deıin jetýimiz kerek. Mindetti túrde Anglıaǵa barý kerek. Anglıanyń arhıvinde, bul jerde de bolýy kerek», - deıdi Qoljazbalar jáne sırek kitaptar ulttyq ortalyǵynyń dırektory Jandos Boldyqov.