Búgingi Rámizder kúnine oraı almatylyqtar memlekettik Ánurandy saıabaqtarda, saýda ortalyqtary men qoǵamdyq keńistikterde tyńdaı alady.
4 maýsymda Almaty ákimdiginiń bastamasymen saǵat 13.00-de memlekettik Ánurandy qosý jáne oryndaý fleshmoby ótedi, dep habarlaıdy Almaty-akshamy.kz.
Megapolıs turǵyndary men qonaqtaryn osy aksıaǵa qosylyp, Ánuran shyrqalǵan kezde barlyq tártip erejelerin saqtaı otyryp, Memlekettik Ánurandy oryndaýǵa shaqyrady.
Qala turǵyndary Memlekettik Ánurandy saıabaqtar men skverlerde, kóshelerde, metro stansıalary men vagondar aýmaǵynda, SOSO, «Medeý» bıik taýly kesheni men «Shymbulaq» kýrorty, sondaı-aq «Kók Tóbe» saıabaǵynda tyńdaı alady.
Aksıanyń maqsaty — azamattyq pen patrıottyqqa, óz Otany — Qazaqstan Respýblıkasyna degen súıispenshilikke tárbıeleý, eldiń memlekettik rámizderine degen qurmetti qalyptastyrý, sondaı-aq olardyń máni men mańyzyn túsiný.
Eske salsaq, Memlekettik Ánurandy kópshilik aldynda oryndaý kezinde jınalǵandar turyp án aıtady (tyńdaıdy), al Qazaqstan Respýblıkasynyń azamattary oń qolyn júrek tusyna qoıady. Memlekettik Ánuran mátini men mýzykalyq basylymǵa sáıkes memlekettik tilde oryndalady.