Qazaqstandyqtar kimdi kóbirek tyńdaǵandy unatady?
Tórt kúnnen keıin Qazaqstannyń mádenıet, sport jáne oıyn-saýyq salasy boıynsha jetinshi jáne eń iri syılyǵy Ticketon Awards úshin daýys berý aıaqtalady.
Qazaqstannyń mádenıet, sport jáne oıyn-saýyq salasyna eń kóp úles qosyp júrgenderdi anyqtaý arqyly kez kelgen qazaqstandyq daýys berý úderisine úles qosa alady. https://award.ticketon.kz/ siltemesi arqyly daýys bere alasyzdar.
2024 jylǵy 6 naýryzdaǵy aralyq daýys berý nátıjesi boıynsha Ticketon Awards nomınanttaryna qazaqstandyq mádenıet, óner jáne sport salasyndaǵy eń jarqyn jáne daryndy tulǵany tańdap, 136 981-den astam adam daýys berdi.
Keshe ǵana úmitkerler úshin 3 965 daýys berildi. Daýys berý 8 aqpannan 10 naýryzǵa deıin jalǵasady. Atalymdardyń jeńimpazdary bıylǵy jyldyń 20 sáýirinde ótetin saltanatty rásimde marapattalady.
«Jyldyń sımfonıalyq konserti» nomınasıasynda Astanadaǵy «Retro kvartırnık s Tarsi orchestra». Ol 6 jyl boıy «Ne prosto orchestra - «Ǵajaıyp ǵasyr» atty fenomenaldy shyǵarmashylyǵymen qýantyp kele jatqan Qazaqstandaǵy tuńǵysh táýelsiz orkestrdi basyp ozdy. Aralyq daýys berý qorytyndysy boıynsha «Jyldyń sımfonıalyq konserti» nomınasıasynda «Retro kvartırnık s Tarsi orchestra» alda kele jatyr.
«Astana Opera» baletiniń solısi Shuǵyla Ádephan qazirgi berilgen daýystardyń jalpy sany boıynsha kósh bastap tur. Ol sondaı-aq «Jyl balerınasy» nomınasıasynda alda kele jatyr. Boıjetken «Órleý» jáne «Bı shyńy» baıqaýlarynyń laýreaty.
«Jyldyń úzdik otandyq fılmi» nomınasıasynda aralyq reıtıńtiń kóshbasshysy – «Mirjaqyp. Oıan, qazaq!» fılmi. Aralyq daýys berý qorytyndysy boıynsha «Jyldyń sheteldik fılmi» atalymynda «Oppengeımer» dramasy kósh bastap tur.
«Jyl akteri» nomınasıasynda «Mirjaqyp. Oıan, qazaq!» fılminde basty róldi somdaǵan Baqyt Qajybaev alda kele jatyr. 41 jastaǵy akterdiń fılmografıasy baı, «Jastar» teatrynyń tanymal akteri.
«Jyl aktrısasy» atalymy boıynsha aralyq reıtıńtiń kóshbasshysy Darıǵa Badyqova. Darıǵa - jarqyn jáne este qalarlyq komedıalyq aktrısa. Ol «Taptym-aý seni» komedıasynda basty keıipkerdi somdap qana qoımaı, osy fılmniń prodúseri de. Buǵan deıin aktrısa osy nomınasıa boıynsha eki ret (2019 jáne 2022) Tıketon syılyǵyn alǵan bolatyn. Darıǵa bıyl da jeńisten úmiti zor.
Ánderi barlyq jastaǵy tyńdarmandardy qýantqan talantty ánshi Sadraddın «Qazaqstandyq jyl ártisi» nomınasıasynyń jeńimpazy bolýy ábden múmkin. Ol qazaqstandyq «Irına Kaıratovna» mýzykalyq tobyn basyp ozdy. «Irına Kaıratovnanyń» klıpteri basqa otandyq beıne-mýzykalyq ónimderden rejıserlik sheshimderdiń batyldyǵymen erekshelenedi. Bul tásil «Irına Kaıratovnanyń» Qazaqstandaǵy zamanaýı mádenıettiń kórnekti jáne tanymal ókili retindegi ustanymyn nyǵaıtady.
Ticketon Awards marapatyna 34 nomınasıa jáne 7 kategorıa boıynsha 300-den astam úmitker qatysady. İs-shara 2023 jylǵa arnalǵan ártúrli janrlardaǵy úzdik shyǵarmashylyq jumystardy anyqtaýǵa, daryndy tulǵalardy tanýǵa, ári olardy yntalandyrýǵa, sondaı-aq mádenı dástúrimizdi damytýǵa baǵyttalǵan.