Qytaıdyń Shanhaı qalasynda ótip jatqan sadaq atýdan álem kýbogi kezeńinde Qazaqstan quramasy alǵashqy júldesine qol jetkizdi.
Bloktyq sadaq atýdan áıelder arasyndaǵy komandalyq jarysta Qazaqstan Estonıany 231:224 esebimen jeńip, qola medal ıelendi, dep habarlaıdy Almaty-akshamy.kz Ulttyq olımpıada komıtetine silteme jasap.
Odan bólek, shırek fınalda qazaqstandyqtar Ońtústik Koreıany 234:230 esebimen utyp, jartylaı fınalda Italıa quramasyna bir upaı aıyrmasymen ese jibergen.
Aıta ketelik, álem kýbogi kezeńinde Qazaqstan namysyn Adel Jeksenbınova, Vıktorıa Lán jáne Aıjan Seıdahmetva qorǵady.
Bul sadaq atýdan Qazaqstan áıelder quramasynyń álem kýbogi kezeńderinde jeńip alǵan alǵashqy júldesi. Buǵan deıin bizdiń komanda kýboktik syndardan múlde medal almaǵan.