Almatyda ótken referendýmda parabı óneriniń sport sheberi Sabına Abdrahmet daýys berdi. Ol №267 saılaý ýchaskesine kelip, óz tańdaýy men azamattyq quqyǵyn paıdalandy.
— Maǵan óz bolashaǵymdy tańdaýǵa múmkindik alý óte mańyzdy. Memleket bizge osyndaı múmkindik bergeni úshin alǵysymdy bildiremin. Almatyda shamamen 60 000 múmkindigi shekteýli adam turady, jáne qalanyń ınklúzıvti múmkindikteri únemi jaqsaryp keledi, — dedi paratans boıynsha jarystardyń jeńimpazy Sabına Abdrahmet.
Sabına Abdrahmet basqa da múmkindigi shekteýli almatylyqtar sıaqty ınvataksı qyzmetin paıdalandy.
Aıta keteıik, 2024 jyldyń 6 qazanynda Qazaqstanda AES qurylysy boıynsha respýblıkalyq referendým bastaldy. Búgin 10 323 daýys berý ýchaskesi jumys istep jatyr, sonyń ishinde 59 elde ornalasqan sheteldik ókildikterde 74 ýchaske ashyldy. Daýys berý tizimine 12 mln 244 myń 683 azamat engizilgen. Referendýmdy 30 shet memleketten jáne 4 halyqaralyq uıymnan kelgen 177 baqylaýshy qadaǵalap otyr.