Almatydaǵy Uly Otan soǵysynyń ardageri Ilá Grıgorevıch Kýdın 97 jasqa qaramastan, Jetisý aýdanyndaǵy №351 ýchaskege óz betinshe kelip, daýys berdi. Ol elimizge beıbit atom qajet ekenin atap ótti.
— Men 1944 jyly maıdanǵa shaqyrylyp, Qıyr Shyǵystaǵy Kvantýn armıasyn joıýǵa qatystym. Keıin qoǵam ıgiligi úshin eńbek ettim, al búgin bizdiń halyqtyń sheshiminen kóp nárse táýeldi ekenin aıtqym keledi. Biz, Uly Otan soǵysynyń ardagerleri, bolashaqty alystan kórýge múmkindigimiz bolmaýy múmkin, biraq men Otanymyzdyń, bolashaq urpaqtardyń jarqyn jáne turaqty bolashaǵyna senemin, sol urpaqtar úshin biz talaı jyl buryn surapyl soǵysta jeńiske jettik. Beıbit atom bizdiń nemerelerimizdiń senimdi serigi bolýy kerek, — dedi ardager.