Qasym-Jomart Toqaev «Ortalyq Azıa – AQSH» memleketter basshylarynyń samıtine qatysty, dep habarlaıdy Almaty-akshamy.kz
Prezıdent Qasym-Jomart Toqaev Nú-Iork qalasyna jumys sapary aıasynda Ortalyq Azıa men AQSH memleketteri basshylarynyń samıtine qatysty.
Jıynda S5+1 seriktestigi arqyly ekonomıka, energetıka jáne qaýipsizdik salalarynda Ortalyq Azıanyń egemendigin, ornyqty damýyn jáne órkendeýin odan ári nyǵaıtý úshin birlesip jumys isteý máselesi talqylandy.
Samıtte Memleket basshysy Qasym-Jomart Toqaev AQSH Prezıdenti Djozef Baıdennen keıin sóıledi. Sonymen qatar sharaǵa Qyrǵyzstan Prezıdenti Sadyr Japarov, Tájikstan Prezıdenti Emomalı Rahmon, Túrikmenstan Prezıdenti Serdar Berdimuhamedov, Ózbekstan Prezıdenti Shavkat Mırzıóev qatysty.
Kezdesý barysynda strategıalyq seriktestikti, saıası dıalogty, saýda-ekonomıkalyq, ınvestısıalyq jáne gýmanıtarlyq salalardaǵy yntymaqtastyqty odan ári damytý, sondaı-aq Eýrazıa qurlyǵyndaǵy beıbitshilik pen turaqtylyqty saqtaý máseleleri jan-jaqty talqylandy.
Samıtte ekonomıkalyq yntymaqtastyq máselesine, sondaı-aq amerıkalyq kompanıalardyń mańyzdy qazba baılyqtardy ıgerý, jańartylatyn energıa kózderi, óńdeý ónerkásibi jáne basqa da baǵyttardy damytý múmkindikterine basa mán berildi.
Budan bólek, pikirtalas barysynda qaýipsizdik problemalaryn, sonyń ishinde kıberqaýipsizdik, terorızm, ekstremızm, zańsyz mıgrasıa jáne esirtki tasymaly sekildi qaýip-qaterlerdi sheshý úshin yntymaqtastyqty nyǵaıtý perspektıvalary qarastyryldy.
Qazaqstan Almaty qalasynda Ortalyq Azıa men Aýǵanstan úshin BUU-nyń Ornyqty damý maqsattary jónindegi aımaqtyq ortalyǵyn ashý isinde AQSH tarapynyń qoldaýyna senim artatynyn jetkizdi.
@ptrkkz