Rysqulov dańǵylynyń ýchaskelerine ortasha jóndeý júrgizýge baılanysty kólik qozǵalysyna ýaqytsha shekteý engiziledi, dep habarlaıdy aqshamnews.kz
17 tamyz saǵat 23:00-den 19 tamyz saǵat 11:00-ge deıin Tabachnozavodskaıa kóshesinen batys baǵytta Rysqulov-Jansúgirov jolaıyryǵyndaǵy burylysqa deıin qozǵalys jabylady.
18 tamyz saǵat 23:00-den 20 tamyz saǵat 11:00-ge deıin Rysqulov-Jansúgirov jolaıyryǵynyń basynan Tabachnozavodskaıa kóshesine deıingi shyǵys baǵyttaǵy ýchaskede qozǵalys jabylady.
Rysqulov-Seıfýllın jáne Rysqulov-Jansúgirov jolaıyryqtaryndaǵy joldar arqyly eki baǵytty da aınalyp ótýge bolady.
Jóndelip jatqan ýchaskede eskertý belgileri, merdiger uıymynyń basshysynyń baılanys aqparattary kórsetilgen stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalary» servısterinde jazylǵan.
