Qalalyq mobıldilik basqarmasy jol júrý baǵytyn aldyn ala oılastyrýdy suraıdy.
Kólik aǵynyn ótkizý qabiletin arttyrý men qaqtyǵystardyń aldyn alý maqsatynda 2023 jylǵy 5 qańtardan bastap eksperımentaldy túrde Rysqulov dańǵyly men Momyshuly kóshesiniń qıylysynda Rysqulov dańǵylynan batys jáne shyǵys baǵytta solǵa burylýǵa tyıym salynady, dep habarlaıdy Almaty-akshamy.kz
Jumystardy qalalyq mobıldilik basqarmasy men jol qozǵalysyn baqylaý jáne qaýipsizdikti qamtamasyz etý salasyndaǵy memlekettik ýákiletti organ Almaty qalasynyń polısıa departamenti Ákimshilik polısıa basqarmasymen birlese otyryp júzege asyratyn bolady.
2023 jylǵy 1 naýryzǵa deıin mamandar atalǵan aýmaqtyń, baǵdarsham nysandary men burylý oryndarynyń kólik ótkizý qabilettiligine taldaý jasap, onyń nátıjesine sáıkes sheshim qabyldaıdy.
Jol júrý baǵyttaryńyzdy aldyn ala oılastyryp, QR jol qozǵalysy erejelerin qatań saqtaýǵa shaqyramyz.