– Qoǵamda jańa, ádiletti ózgerister bolyp jatyr. Saılaýda myqty azamattar men azamatshalar baq synaýda. Halyqtyń sózin sóılep, muń-muqtajyn kóterip júrgen jandar ótip jatsa, aqyryndap jaqsy ózgeris bolady. Eń bastysy, evolúsıalyq turǵydan jańarý bolady dep oılaımyz. Qatysyp jatqan adamdardyń kóbin, azamat retinde, ult janashyry dep tanımyz. Baıypty pikir aıtyp, qoǵamnyń ózekti máselesine aralasyp júrgen azamattar barshylyq. Taǵy qaıtalap óteıin, munyń bári ıgi ózgeristiń nyshany degen oıdamyn.
Jurt qatarly óz úmitkerimizge daýys berýdi durys kórdim. Ózim tirkelgen №493 saılaý ýchaskesinde tańdaý jasadym. Endigi kezekte halyq úmit artqan saılanýshylardyń adal eńbek etýine tilektestik bildiremiz.
El Parlamentine ultyna janashyr, el-jurtyna qamqor adamdar kelse eken. Sebebi zań qabyldaıtyn adamdar solar bolady. Sondyqtan ár salanyń mamandary Parlament minberinen kórinip, túıtkildi tarqatýǵa tyryssa demekpiz.